Liquor ban inalis na sa Navotas
- Published on February 4, 2021
- by @peoplesbalita
Inalis na ng Pamahalaang Lungsod ng Navotas ang ipinatupad nitong liquor ban kaugnay ng magiging bilang ng mga kaso ng COVID-19 matapos ang Kapaskuhan.
Sa bisa ng City Ordinance No. 2021-07 na pinirmahan ni Mayor Toby Tiangco, pinawalang-bisa na ang pagbabawal sa pagbili o pagbenta ng alak o inuming nakalalasing sa lungsod simula Pebrero 1, 2021.
“Ito po ay ayon sa ating napag-usapan na tatanggalin natin ang liquor ban kapag manageable o hindi masyadong tataas ang bilang ng mga kaso ng COVID-19 sa ating lungsod pagkatapos ng Kapaskuhan. Bagaman tumaas po nang bahagya ang ating mga kaso, kaya pa rin po natin itong makontrol,” ani Toby Tiangco.
Nanatili namang ipinagbabawal ang pag-inom ng anumang nakalalasing sa pampublikong lugar tulad ng daan, eskinita, liwasan, at labas ng tindahan na sumasakop sa pampublikong daan o bangketa alinsunod sa Municipal Ordinance 2002-06.
Sabi ng alkalde, ang mga lalabag sa patakarang ito ay bibigyan ng naaangkop na parusa.
Nagpasalamat si Mayor Tiangco sa lahat ng nakiisa sa panawagang na manatiling maingat at sumunod sa safety measures.
“Mahalaga po ang ating kooperasyon at pagsunod para masiguro ang kaligtasan ng bawat Navoteño,” ani Tiangco.
Nauna rito, pinayagan ng pamahalaang lungsod na buksan ang mga palengke at groceries tuwing Linggo kung saan lingguhan din silang nagsasagawa ng pangkalahatang paglilinis at pagdidisimpekta at sundin ang iba pang mga safety protocol. (Richard Mesa)
-
Proklamasyon ng mga nanalong party-list, sabay-sabay na ipoproklama sa Mayo 25 – Comelec
POSIBLENG sabay-sabay na ipoproklama ng Commission on Elections (Comelec) sa susunod na linggo ang mga nanalong party-list groups. Ayon kay Comelec Spokesperson John Rex Laudiangco, kapag natapos na raw ang special elections sa Lanao del Sur at kung hindi na makakaapekto sa bilangan ang mga certificate of canvass mula sa Shanghai sa China […]
-
Wala sa charter ng MMDA na mag-conduct ng isang film festival: VIVIAN, may panawagan na ibigay ang pamamahala ng Metro Manila Film Festival sa FDCP
FAST worker talaga si direk si Louie Ignacio. He just finished shooting the movie titled Influencer mula sa 3:16 Productions ni Madam Len Carillo. Bida sa pelikula ang tinaguriang Pandemic Superstar na si Sean De Guzman. Leading lady naman niya si Cleo Barretto. Ang script ay isinulat ni Quinn […]
-
Tinawag na ‘accla ng taon’ ng netizens: BENJAMIN, ‘di inakala na katutuwaan ang role niya bilang Basil
ALIW na aliw si Benjamin Alves sa mga comments sa pagganap niya bilang Basil Palacios sa ‘Widows’ War.’ Tinatawag ng maraming netizens si Basil na “Accla ng taon” dahil sa pagiging fake, manipulative, blackmailer at ang hangad niyang mapatay ang misis niyang si George played by Carla Abellana. Hindi nga raw inakala […]