Listahan ng pumasa sa Bar Exam, inilabas na

NANGUNA ang University of the Philippines (UP) sa mga bago at tinaguriang ‘most valuable lawyers ” sa resulta ng 2024 Bar examinations habang nag-tie naman sa ika-20th na rank ang kapwa nagtapos sa University of Santo Tomas (UST).

Ang paglabas ng resulta ng mga nakapasa sa bar exam ay bahagyang na-delay sa kadahilanang kinailangang pagbotohan na i-adjust ang passing rate mula sa 75% sa 74% na isang magandang balita para sa lahat na sumabak sa bar exams 2024.

Sa anunsyo ni SC Associate Justice Mario V.Lopez , ang percentage ng passing rate ay 37.8 percent ng kabuuang 3,962 na bagong mga abogado mula sa 10,490 na examinees.

Ang top 10 na most valuable lawyers ay ang sumusunod;

1. Kyle Christian Tutor mula University of Manila – 85.77 %

2. Maria Cristina Aniceto ng Ateneo de Manila- 85.54 %

3. Gerald Roxas ng Angeles University Foundation School of Law – 84.35%

4. John Philippe Chua ng UP- 84.28%

5. Jet Ryan Nicolas ng UP- 84.26%

6. Maria Lovelyn Joyce Quebrar ng UP- 84.06%

7. Kyle Andrew Isaguerre ng Ateneo de Manila University – 83.90%

8. Joji Macadeni ng University of Mindanao- 83.74%

9. Gregorio Jose Torres II ng Western Mindanao State University- 83.59%

10. Raya Villacorta ng San Beda University- 83.47 %

Nagtabla naman sa ika 20 pwesto sina Pierre Angelo Request at Charles Kenneth Lijauco na kapwa nagtapos sa University of Santo Tomas ay nakakuha ng 82.79%.

Bagama’t bumuhos ang ulan, hindi naman natinag ang mga bar examiners sa kanilang paghihintay na makita ang resulta ng bar exams ngayong taon .

Naging emosyunal naman ang karamihan dahil ang ilan ay unang sabak pa lamang kumuha ng bar exam ngunit nakapasa na sa unang pagkakataon bagama’t mahirap umano ang bar exams ngayong taon. (Gene Adsuara)