LRT-1 tigil biyahe sa Disyembre 3-4
- Published on November 28, 2022
- by @peoplesbalita
INIANUNSYO kahapon ng Light Rail Manila Corp. (LRMC) na ititigil muna nila ang pagbiyahe ng mga tren ng Light Rail Transit Line 1 (LRT-1) sa Disyembre 3, Sabado, at Disyembre 4, Linggo,
Sa abiso ng LRMC, na siyang private operator ng LRT-1, pansamantalang sususpindihin ang operasyon ng rail line sa susunod na weekend upang bigyang-daan ang reintegrasyon ng LRT-1 Roosevelt Station sa 19 pa nitong operational stations mula Baclaran, sa Parañaque City hanggang sa Balintawak sa Quezon City.
Ayon sa LRMC, magsasagawa sila ng readiness tests, trial runs, at exercises sa linya ng LRT-1 upang ma-check kung maayos ang integrasyon ng Roosevelt area sa ilalim ng bagong Alstom signaling system.
Sa sandaling matiyak na katanggap-tanggap ang resulta ng isasagawa nilang operational exercises sa linya, target ng LRMC na maibalik ang commercial operation ng LRT-1 mula Baclaran Station hanggang LRT-1 Roosevelt Station sa Disyembre 5, Lunes.
Kaugnay nito, pinayuhan naman ni LRMC chief operating officer Rolando Paulino III ang kanilang mga parokyano na planuhin na ang kanilang biyahe para sa susunod na weekend at manatiling nakatutok sa mga updates sa pagbabalik ng kanilang operasyon.
Tiniyak din niya na ang pansamantalang inconvenience na kanilang mararanasan ay magreresulta naman sa mas mahabang benepisyo para sa mga commuters.
“We assure the public that once reopening is confirmed, LRMC is ready to serve our LRT-1 passengers adding Roosevelt Station to our existing operational stations,” aniya pa.
Una nang isinara ang Roosevelt Station simula noong Setyembre 5, 2020 dahil sa konstruksiyon ng Common Station na idurugtong doon.
Ang Common Station o Unified Grand Central Station (UGCS), ay ang proyekto ng gobyerno na naglalayong ikonekta sa isa’t isa ang mga sistema ng LRT-1, Metro Rail Transit Line 3 (MRT-3), at Line 7 (MRT-7) para mapadali ang paglipat ng mga commuters sa mga naturang rail lines.
-
P843.9 bilyon lugi ng SSS, pinaiimbestigahan
PINAIIMBESTIGAHAN ni Senador Francis Tolentino sa Senado ang umano’y malaking pagkalugi ng Social Security System (SSS). Sa inihaing Senate Resolution 1006, tinukoy ni Tolentino ang 2021 unaudited financial statement ng SSS kung saan nakasaad na nalugi sila noong 2021 ng P843.9 bilyon. Nakasaad naman sa resolusyon ang mga legal […]
-
MGA ESTUDYANTE INARARO NG JEEP
Isang estudyante ang patay habang 7 pa ang sugatan nang masagasaan ng pampasaherong jeep sa JP Rizal, Makati City nitong Miyerkoles, Pebrero 12. Ayon kay Makati Police Chief Rogelio Simon, dinala ang mga biktima sa Ospital ng Makati at Makati Medical Center. Na-discharge na mula sa mga ospital ang 4 na estudyante, 2 mula […]
-
Bagong toll rates sa Cavitex, ipapatupad na sa May 22
MATAPOS ipagpaliban ng sampung araw, tuloy na sa Mayo 22, 2022 (Linggo), ang pagpapatupad ng bagong toll rates para sa CAVITEX R-1 segment. Matatandaang inanunsyo ng Cavitex Infrastructure (CIC) at ng joint venture partner nito na Philippine Reclamation Authority (PRA), sa pakikipagtulungan ng Toll Regulatory Board (TRB), ang bagong toll rates para sa […]