LTO: Papayagan na marehistro ang sasakyan kahit may NCAP violations
- Published on August 17, 2022
- by @peoplesbalita
PAPAYAGAN ng Land Transportation Office (LTO) na marehistro ang mga sasakyan kahit na ito ay lumabag sa no-contact apprehension policy (NCAP).
Ayon kay LTO assistant secretary Teofilo Guadiz, susupendihin muna ang pagpapatupad ng alarm tagging sa mga sasakyan na may violations.
Sinabi rin niya na may provisions sa Republic Act 10930 na siyang nag amend sa Land Transportation code na hindi tinutupad sa pagsusulong ng NCAP na ginagawa ng Metropolitan Manila Development Authority (MMDA) at mga local government units (LGUs).
“Pending development of a uniform guidelines for the implementation of NCAP by LGUs and MMDA, alarm tagging access of the LGUs and MMDA against vehicles is hereby deactivated temporarily,” wika ni Guadiz.
Inutusan ni Guadiz ang LTO Management Information Division na gumawa ng adjustments sa kanilang sistema upang payagan ang pagrerehistro ng mga sasakyan na may mga paglabag.
Binigyan din niya ng direktiba ang LTO na makipagugnayan sa mga concerned LGUs para sa maayos na pagpapatupad ng NCAP.
Isang memorandum ang nilagdaan ni Guadiz na may petsang Aug.10 kung saan binigyan din ng pansin ng LTO ang mga reklamo ng mga transport leaders dahil sa pagpapatupad ng NCAP.
Wala naman suspension na ginawa ang LTO sa pagpapatupad ng NCAP sapagkat napagkasunduan na gagawa ang mga LGUs ng mga adjustments o pagbabago sa controversial na polisiya matapos ang madaming reklamo ang inihain ng mga motorista at transport providers.
“The LTO is keen on suspending the NCAP pending the ironing out of some issues, particularly on the alarm system for violations on registered vehicle owners instead of the drivers. There is also a lack of grievance and adjudication processes to contest the violations,” dagdag ni Guadiz.
Samantala, 60 porsiento na ang nailalagay na mga sensors ng MMDA sa mga pangunahing lansangan sa Metro Manila at ang mga susunod na sensors ay ikakabit ng phase by phases.
Sinabi naman ni MMDA chairman Carlo Dimayuga na inaasahan ng MMDA na magiging fully operational at upgraded ang mga sensors sa loob ng dalawa (2) hanggang tatlong (3) taon.
Dagdag pa niya ginagalang nila ang plano ng LTO na suspendihin ang NCAP subalit ang MMDA naman ay patuloy na gagawin ang NCAP. LASACMAR
-
Mga Navotena nagpakita ng talento sa Film Fest at photo competition
MULING nagpakita ang mga Navoteño ng kanilang mga talento at kasanayan sa paggawa ng pelikula at photography sa 6th Navoteño Film Festival at 5th Navoteño Photo Competition and Exhibition. Itinampok sa festival ang 8- hanggang 10 minutong maikling pelikula na nakasentro sa tema, “Navoteño LGBTQIA+, Mahalaga sa pag-angat ng Turismo at Ekonomiya.” Labinsiyam na maikling […]
-
SSS, GSIS inanunsiyo pagpapalabas ng 13th month, holiday pensions
TATANGGAP na ng kanilang 13th month at December pension ang lahat ng pensioners ng Social Security System (SSS) at Government Service Insurance System (GSIS) sa unang linggo ng December 2022. Ayon kay SSS President at Chief Executive Officer Michael G. Regino ang pension fund na ipalalabas ay may halagang P29.74 billion para […]
-
Pagbabakuna tuloy sa Metro Manila kahit ECQ
DAHIL sa namuong banta ng Delta variant, walang kuwestiyon na ang pagbabakuna sa mga lugar na nasa ilalim ng Enhanced Community Quarantine (ECQ) classification ay isang mahalagang solusyon. Nakasaad sa Seksyon 2 ng Guidelines for Areas Placed Under ECQ ng Omnibus Guidelines on the Implementation of Community Quarantine sa Pilipinas na “gatherings that are […]