MABABANG COVID-CASES, NAITALA SA NAVOTAS
- Published on May 8, 2021
- by @peoplesbalita
NAITALA ng Navotas City ang pinakamalaking kabawasan sa porsyento ng mga bagong kaso ng COVID-19 kada araw sa lahat ng lokal na pamahalaan sa Metro Manila.
Nagrehistro ang lungsod ng -76% na pagbaba ng average daily attack rate (ADAR), ayon sa OCTA Research Group. Mula sa pinakamataas na 137, ang kada araw na mga kaso sa lungsod ay sumadsad sa 33.
Ang estadistikang inilabas ng OCTA ay batay sa seven-day average mula Abril 25 hanggang Mayo1 kumpara sa peak seven-day average ng mga lokal na pamahalaan.
“We attribute this milestone to the hard work of all our frontliners as well as the aggressive contact tracing, testing, isolation, treatment and monitoring of our patients–from the time they become close contacts to the time we receive their test results or they complete their isolation period,” ani Mayor Toby Tiangco.
Ayon sa OCTA, ang ADAR na higit sa 10 percent ay itinutuing pa ring mataas at dapat na maibaba ito ng mga lokal na pamahalaan sa Metro Manila sa mas mababa sa 10 percent sa loob ng dalawang linggo para umusad sa moderate risk classification.
Ang Navotas ay nagtala ng 1,456 active cases noong Abril 5, ang pinakamataas sa buong taon. Hanggang Mayo 3, nakapagtala ang lungsod ng 413 active cases at 9,783 recoveries. (Richard Mesa)
-
Unang pagkikita nila bilang Monique at Carding: BARBIE at DAVID, ipinakita na latest photo para sa ‘Maging Sino Ka Man’
IPINAKITA na ng Sparkle GMA Artist Center ang latest photo nina Barbie Forteza at David Licauco para sa upcoming series nilang “Maging Sino Ka Man.” Totally contrasting ang looks nila dito sa dati nilang characters bilang sina Klay at Fidel sa fantasy historical portal series nilang “Maria Clara at Ibarra.” Ibang-iba rin ang […]
-
Paggalang sa karapatang pantao kasunod ng paghihigpit sa ‘di pa mga bakunado, maaasahan – PNP
TINIYAK ng Philippine National Police (PNP) na walang matatapakan na karapatang pantao sa gagawing paghihigpit sa pagkilos ng mga hindi pa bakunadong indibidwal kontra COVID-19 (Coronavirus Disease 2019) sa Metro Manila. Ayon kay PNP Chief Police General Dionardo Carlos, ipatutupad nila ang “maximum tolerance” sa pagpapatupad ng bagong patakaran at pantay nila itong […]
-
Higit 1K bilanggo sa Manila City Jail may TB
INIULAT ng Bureau of Jail Management and Penology (BJMP) na mahigit 1,000 bilanggo sa Manila City Jail ang dinapuan ng pulmonary tuberculosis. Tiniyak naman ni BJMP National Capital Region (NCR) spokesperson Midzfar Omar na ang mga naturang preso ay kasalukuyan nang naka-isolate at nilalapatan ng lunas. Mayroon pa umanong nasa 200 […]