Mahigit 200 Chinese maritime militia vessels, aalis din ng Julian Felie Reef -Sec. Roque
- Published on March 27, 2021
- by @peoplesbalita
UMAASA ang Malakanyang na sa kalaunan ay aalis din ang mahigit 200 Chinese maritime militia vessels na natuklasang namamalaot sa Julian Felipe Reef, isang bahagi ng West Philippine Sea.
Naniniwala si Presidential Spokesperson Harry Roque na para sa kapakanan ng pagkakaibigan ng Pilipinas sa bansang China ay lilisanin din ng 220 maritime militia vessels ng Beijing ang Julian Felipe Reef na napaulat na naka-angkla noon pang Marso 7.
Sinabi ni Sec. Roque na personal na sinabi ni Pangulong Rodrigo Roa Duterte ang bagay na ito sa China’s envoy to the Philippines, kung saan tiniyak naman ng huli sa Pangulo na ang Chinese vessels ay naghanap lamang ng temporary refuge dahil sa masamang panahon.
“Wala pong kontrobersiya dahil hindi naman nila [China] ipinaglalaban na mananatili sila roon,” ayon kay Sec. Roque.
“In the spirit of friendship, inaasahan na hindi sila mananatili roon,” dagdag na pahayag ni Sec. Roque.
Sa kabilang dako, pinagtalunan naman ng National Task Force for West Philippine Sea ang ‘excuse” na “bad weather” dahil kahit maganda naman ang panahon ay nananatili sa Julian Felipe Reef ang mahigit 200 Chinese maritime militia vessels.
Iginiit ni Sec.Roque na palaging pinaninindigan ng Pangulo na protektahan ang Philippine territory, kabilang na ang Julian Felipe Reef, sa pamamagitan ng mapayapang paraan.
“The President said this before the United Nations: We will protect our territory, we stand by the UN Arbitral Ruling, and we will resolve this by peaceful means under UNCLOS (United Nations Convention on the Law of the Seas),” lahad ni Sec. Roque.
“Hindi nagbabago ang posisyon ni Presidente,” aniya pa rin.
Matatandaang, itinaas ni Pangulong Duterte sa United Nations General Assembly (UNGA) ang panalo ng Pilipinas sa China noong 2016 kaugnay sa usapin ng South China Sea na tinatawag ng bansa na West Philippine Sea.
Sinabi ng Pangulo na hindi pinapayagan at hindi tinatanggap ng Pilipinas ang anumang pagtatangka na sisira sa July 2016 ruling ng Permanent Court of Arbitration in The Hague.
“The award is now part of international law, beyond compromise and beyond the reach of passing governments to dilute, diminish or abandon,” ayon kay Pangulong Duterte.
Aniya, ang commitment ng Pilipinas sa pinag-aagawang teritoryo sa South China Sea ay laging nakasalig sa United Nations Convention on the Law of the Sea at sa 2016 ruling ng Permanent Court of Arbitration sa the Netherlands. (Daris Jose)
Magugunitang, ilang ulit nang hindi kinilala ng China ang 2016 ruling ng arbitral tribunal. (Daris Jose)
-
LTO maglalabas ng dagdag na SCO; nagbabala sa mga motorista na panatilihin ang disiplina sa pagbabalik mula sa bakasyon
NAGHAHANDA ang LTO sa karagdagang SCOs sa mga pasaway na motorista matapos ang Semana Santa. Ayon kay LTO Chief Asec. Vigor Mendoza II, mahigpit na paalala ito sa mga motorista. Ilan sa mga pinatawag ay sangkot sa mga viral aksidente gaya ng sa Antipolo, Marilaque Road, Commonwealth at NLEX. Pinaigting din ang cyber-patrolling ng LTO […]
-
Final 12 ng Gilas Pilipinas na haharap sa New Zealand iaanunsiyo
ILALABAS na ngayong araw ng Gilas Pilipinas ang final 12 na mga manlalaro na isasabak sa 2nd window ng FIBA Asia Cup 2023 qualifiers. Sinabi ni Gilas coach Tim Cone na nitong Martes ay nagkaroon ng exhibition game ang Gilas mula sa isang koponan sa PBA na ginanap sa kanilang training academy sa […]
-
Driver, inaresto sa pagkulong sa asawa at anak sa container van
ARESTADO ang isang 48-anyos na driver matapos umano nitong ikulong ang kanyang asawa at anak sa loob ng isang container truck ng tatlong araw sa Baseco,Manila. Sa ulat ng pulisya, kinilala ang suspek na si Alvin Vizcarra. Ayon sa Manila Police District (MPD) , nag-away umano ang mag-asawa dahil sa matagal nang selosan . Ikinulong […]