Mahigit 820 patuloy pa ring nananatili sa mga evacuation center
- Published on November 6, 2020
- by @peoplesbalita
NANANATILI pa ring tumutuloy sa iba’t ibang evacu- ation centers sa bansa ang nasa 207, 518 pamilya o katumbas ng 820, 030 indibidwal mula sa Regions 2, 3, Calabarzon, Mimaropa, Region 5, Cordillera Administrative Region at National Capital Region.
Sa Laging handa public press briefing, sinabi ni Department of Social Welfare and Development Sec Rolando Bautista na pinakamarami rito ay mula sa Region 5 kung saan nasa 27,540 na pamilya o 109,961 katao ang pansamantalang kinakanlong sa 1,024 na mga evacuation centers.
Sinasabing, sinundan naman ito ng Calabarzon na mayroong 20,915 pamilya o katumbas ng 77, 428 indibidwal ang nananatili sa 832 na mga evacuation centers.
Tinatayang, nasa 12,904 pamilya o 46, 403 indibidwal ang nakituloy sa kanilang mga kamag anak o kaibigan mula sa Regions 2, 3, 5, Calabarzon at CAR.
Kaugnay nito, nakapagbigay na ang DSWD ng P8.3M tulong sa mga apektadong residente na kinabibilangan ng food packs, non food items at hygiene kits.
Nagsasagawa rin ang ahensya ng psychosocial intervention katuwang ang DOH at tiniyak din nito na mayruong mga women & children’s desk upang maprotektahan ang karapatan ng mga kababaihan kasama na ang mga kabataan.
Samantala, mahigpit ding ipinatutupad ang health safety protocols sa ibat ibang evacuation centers nang sa ganon ay hindi kumalat ang Covid-19 infection.
-
Boston Celtics ambisyon din si Durant mula sa Brooklyn Nets?
LUMUTANG ngayon ang impormasyon na kabilang ang Boston Celtics sa mga teams na nag-aambisyon umano na makuha ang serbisyo ng NBA superstar na si Kevin Durant mula sa Brooklyn Nets. Nasa isang buwan na ngayon na wala pa ring nakakasungkit kay Durant sa kabila ng hiling nito na malipat ng ibang team. […]
-
Kaso ng COVID-19 sa Bulacan, bumaba ng 43%
LUNGSOD NG MALOLOS– Pinasalamatan ni Gobernador Daniel R. Fernando ang mga health worker at frontliner ng lalawigan sa kanilang walang kapagurang paglilingkod sa mga Bulakenyo kasabay ng lalo pang pagbaba ng kaso ng 43% mula Mobility Week 19 hanggang 20 mula Mayo 8 hanggang 22, hanggang Mobility Week 21 hanggang 22 mula Mayo 23 hanggang Hunyo 5. […]
-
3 nalambat sa buy bust sa Caloocan at Valenzuela
Kulong ang tatlong hinihinalang drug pushers matapos makuhanan ng halos P.2 milyon halaga ng shabu sa magkahiwalay na buy bust operation ng pulisya sa Caloocan at Valenzuela cities. Ayon kay Caloocan police chief Col. Samuel Mina Jr, nakatanggap ng impormasyon ang mga operatiba ng Station Drug Enforcement Unit (SDEU) hinggil sa umano’y ilegal […]