Malacañang pinakakansela na ang passport ni ex-Bamban Mayor Alice Guo
- Published on August 22, 2024
- by @peoplesbalita
KINUMPIRMA ng Office of the Executive Secretary na nakalabas na ng Pilipinas si dismissed Bamban Tarlac Mayor Alice Guo.
Sa memorandum na inilabas ni Executive Secretary Lucas Bersamin ngayong araw, nakasaad dito na lumipad na si Guo patungong Malaysia, saka nag tungo sa pamilya nito sa Singapore at bumyahe patungong Indonesia, kung saan tumutugma sa unang impormasyon na inilabas ni Senator Risa Hontiveros.
Dahil dito inatasan ni Bersamin ang Department of Foreign Affairs at ang Department of Justice na kanselahin na ang pasaporte ni Alice Guo o Guo Hua Ping.
Kasama rin sa pinakakansela ang pasaporte ng kanyang pamilya, partikular sina Wesley at Sheila Guo at Katherine Cassandra Ong.
Nabatid na meron nang inilabas ang Senado na arrest warrant laban kay Guo at sa kanyang pamilya, at pinapa-cite in contempt na rin ito ng House of Representative dahil sa bigong pagdalo sa hearing.
Maliban pa ito sa kasong criminal na isinampa sa kanya dahil sa qualified trafficking at iba pang kaso na may kinalaman sa POGO. (Daris Jose)
-
Travel restrictions sa 10 bansa, pinalawig hanggang Setyembre 5
INAPRUBAHAN ni Pangulong Rodrigo Rodrigo Roa Duterte ang rekomendasyon ng Inter-Agency Task Force (IATF) na palawigin ang kasalukuyang travel restrictions sa India, Pakistan, Bangladesh, Sri Lanka, Nepal, United Arab Emirates, Oman, Thailand, Malaysia at Indonesia mula Setyembre 1 hanggang 5, 2021. Sinabi ni Presidential Spokesperson Harry Roque, ang nasabing travel restrictions ay bahagi ng […]
-
Malakanyang, pinamamadali sa NTC ang pagsusumite ng evaluation report
IPINAG-UTOS ng Malakanyang sa National Telecommunications Commission (NTC) ang mabilisang pagsusumite ng evaluation report ukol sa mga ginagawa umanong pagsasaayos at pagpapalakas ng signal ng mga network company sa bansa. Sinabi ni Presidential Spokesperson Harry Roque, hanggang sa kasalukuyan ay patuloy pa ring nakaantabay ang kanyang opisina sa official evaluation na ito mula sa […]
-
DOJ: Drug case vs De Lima ‘di iaatras
NANINDIGAN si Justice Secretary Jesus Crispin Remulla na hindi ibabasura ng gobyerno ang mga drug case na kinakaharap ni dating senador Leila de Lima sa gitna ng mga naging panawagan ng mga mambabatas ng Estados Unidos na palayain siya sa pagkakakulong at isantabi ang lahat ng mga kasong isinampa laban sa kanya. “Kinausap […]