Malakanyang, inaasahan na ang mga patutsada at pangit na pahayag ni VP Leni sa gobyernong Duterte
- Published on September 18, 2020
- by @peoplesbalita
INAASAHAN na ng Malakanyang na walang sasabihing maganda si Vice President Leni Robredo sa gobyernong Duterte sa gitna ng patuloy na pagbatikos nito sa ginagawang pagtugon ng pamahalaan sa COVID-19 pandemic.
Sinabi kasi ni Robredo na kulang ang pamahalaan ng “cohesive plan” at walang malinaw na direksyon sa pagresolba sa coronavirus disease 2019 (COVID-19).
“She is entitled to her opinion. Of course as the leader of the opposition, we don’t expect anything positive about this administration from her. We’ve accepted that. I think people have accepted that,” presidential spokesperson Harry Roque.
Maaari aniyang sabihin ni Robredo ang lahat ng negatibo tungkol sa administrasyon basta ang importante aniya ay suporta sa sambayanan ang Pangulo.
“She can say all the negative things about the administration but [the] people still support the President,” ayon kay Sec. Roque.
Sa ulat, iginiit ni Robredo na may karapatan siyang maging kritiko ng gobyerno.
Dagdag pa nito na marami siyang nakikitang kakulangan sa tagal ng pagsasailalim sa lockdown.
Aniya pa, ang pagsibak kay Health Secretary Francisco Duque III mula sa puwesto ay hindi naman makapagbabago sa kahit na anuman kung ang sistema na tinawag niyang bigo ay mananatili.
Ani Robredo na gagamitin niya ang posisyon niya bilang bise-presidente upang maging boses ng madla. (Daris Jose)
-
Kaya nagtagal at maituturing na iconic actress: DINA, minahal at niyakap ang talentong binigay ng Diyos
ISA sa maituturing na iconic actress ng Pilipinas si Dina Bonnevie; sa palagay niya, bakit siya nagtatagal sa industriya? “Ako simple lang, siguro kasi mahal ko yung trabaho ko, talagang niyakap ko and tinanggap ko yung binigay sa aking regalo ng Panginoon. “Kumbaga He gave me the gift of acting, parang… […]
-
Nag-negatibo na sa RT-PCR test para sa Covid-19
IBINALITA ni Presidential Spokesman Harry Roque na nag-negatibo na siya sa Reverse transcription polymerase chain reaction (RT-PCR) test at nakompleto na niya ang kanyang 2-week quarantine para sa COVID-19 matapos na mahawaan. Matatandaang, nito lamang Marso 15 ay inanunsyo ni Sec. Roque na nagpositibo siya sa COVID-19. Isa aniya siyang asymptomatic. Sinabi ni […]
-
VALENZUELANONG LUMABAG SA BATAS-TRAPIKO, ABSWELTO SA MULTA
NAGPASA ang Sanggunian ng Valenzuela City ng ordinansang nag-aabswelto sa mga motoristang Valenzuelano na nahuling lumabag sa mga batas trapiko sa pamamagitan ng No Contact Apprehension Program (NCAP) na magbayad ng multa. Nakasaad sa Ordinance No. 901 Series of 2021, ang mga motoristang lumabag sa batas trapiko habang nakataas ang enhanced community quarantine […]