Malakanyang, pinalagan ang tila patutsada ni Sen. Gordon
- Published on March 6, 2020
- by @peoplesbalita
PINALAGAN ng Malakanyang ang patutsada ni Senator Richard Gordon na hindi mangyayari ang mga krimen na iniuugnay sa POGO industry kung hindi malambot ang posisyon ng administrasyon sa China.
Sinabi ni Presidential spokesperson Salvador Panelo, hindi kailanman naging malambot si Pangulong Rodrigo Roa Duterte sa anumang usapin na mayroong kinalaman sa national interest.
Ayon kay Sec. Panelo, tila hindi kilala ni Senador Gordon si Pangulong Duterte. Decisive ang Punong Ehekutibo.
At katulad nang naunang pahayag ng Malakanyang, ang lahat ng iregularidad at korupsyon na iniuugnay sa anumang proyekto o aktibidad ng gobyerno ay palaging iniimbestigahan at sa oras na lumabas ang finding, agad na aaksyon ang Chief Executive.
Hindi rin aniya totoong nasasaktan ang Malakanyang sa tuwing nasasangkot ang China sa mga isyu.
Hindi niya maintindihan kung bakit nasasabi ito ng senador.
Malaki ang posibilidad na dahil ito sa una niyang pahayag na dapat ibahagi ni Senator Gordon ang impormasyon nito kaugnay sa money laundering sa bansa.
Samantala, sinabi ni Sec. Panelo na bilang opisyal ng pamahalaan ay tungkulin naman talaga nilang makipagtulungan at ibahagi ang mga impormasyong mayroon sila kaugnay sa anomang anumalya o paglabag sa batas, lalo na kung wala pang hawak na impormasyon ang pulisya.
-
Nievarez pasok sa Tokyo Olympics
Si national rower Cris Nievarez ang pang-walong Pinoy athlete na sasabak sa 2021 Olympic Games sa Tokyo, Japan sa Hulyo. Ito ay matapos ilabas ng World Rowing Federation (WRF) ang final list ng mga qualified rowers para sa 2021 Tokyo Olympics kung saan nakasama ang pangalan ng 2019 Southeast Asian Games gold medalist. […]
-
Nagtala ng mataas na ratings: Radyo5 TRUE FM, pinarangalan bilang Best Radio Station sa ’11th Makatao Awards”
MAY bagong milestone na nakamit ang Radyo5 TRUE FM matapos tanghaling bilang ‘Best Radio Station’ sa 11th Makatao Awards ng People Management Association of the Philippines o PMAP kamakailan. Ang pagkilalang ito ay nagpapakita ng malaking tagumpay para sa Radyo5 mula nang nag-rebrand ito noong Marso at binago ang kanilang programa upang […]
-
Mahigit 200 Chinese maritime militia vessels, aalis din ng Julian Felie Reef -Sec. Roque
UMAASA ang Malakanyang na sa kalaunan ay aalis din ang mahigit 200 Chinese maritime militia vessels na natuklasang namamalaot sa Julian Felipe Reef, isang bahagi ng West Philippine Sea. Naniniwala si Presidential Spokesperson Harry Roque na para sa kapakanan ng pagkakaibigan ng Pilipinas sa bansang China ay lilisanin din ng 220 maritime militia vessels […]