• March 23, 2025
  • Search in People's Balita

  • Ang Diyaryong Pinagkakatiwalaan

 

Malakanyang sa plano ni Roque na political asylum: No political persecution

ITINANGGI ni Palace Press Officer at Presidential Communications Office Undersecretary Claire Castro ang alegasyon na may political persecution gaya ng sinasabi ni dating presidential spokesperson Harry Roque dahilan para mapilitan ang huli na humingi ng political asylum sa The Netherlands.
Ang “asylum” ay isang legal na proseso kung saan naghahain ng proteksyon at karapatang manatili sa ibang bansa ang isang indibidwal na nangangamba sa “persecution” at human rights violations sa sarili niyang bansa.
Sa press briefing sa Malakanyang, sinabi ni Castro na ang mga ebidensiya laban kay Roque ay “overwhelming.”
“Hindi naman ito makakaapekto. Unang una, magpa-file pa lang yata siya ng petition at hindi pa naman ito naga-grant. Tandaan po natin, bago ito ma-grant dapat mapalabas niya po na may well founded fear of political persecution,” ang sinabi ni Castro.
“How could there be a political persecution if all the pieces of evidence are overwhelming? Wala po tayong nakikitang political persecution. Harapin na lang niya ang kaso niya po dito. Mas maganda ‘yan para maipakita niya sa taumbayan na wala po talaga siyang kasalanan,” aniya pa rin.
Sa kabilang dako, hindi pa nakikita ni Castro na kailangang makipagtulungan ang gobyerno sa International Criminal Police Organization (Interpol) para ibalik sa Pilipinas si Roque mula The Netherlands.
“Hindi pa natin nakikita ‘yan sa ngayon, pero siguro maiiba ang sitwasyon kung siya na ay may warrant of arrest na inissue ng korte,” ang pahayag ni Castro.
Sa ulat, maghahain ng aplikasyon si dating presidential spokesperson Atty. Harry Roque upang makakuha ng ‘asylum’ sa sa pamahalaan sa The Netherlands.
Isa ito sa mga paraan na naisip ni Roque upang maipagtanggol si dating Pangulong Rodrigo Duterte, na nasa kustodiya ng International Criminal Court (ICC) sa The Hague, kung saan lilitisin ang mga nagawa niyong “crimes against humanity” dahil sa kanyang “war on drugs.”
Matagal na hindi nagpakita sa publiko si Roque ngunit bigla lang siyang lumantad sa The Hague, Netherlands kasama sina Vice President Sara Duterte at Sen. Robin Padilla noong March 14, matapos ang isinagawang pre-trial hearing sa kaso ni Duterte.
( Daris Jose)
Other News

  • PDu30, nagtalaga ng Crisis Manager sa mga lugar na labis na hinagupit ng bagyong Odette

    PANGANGASIWAAN ni DSWD Secretary Rolando Bautista ang Crisis Management Group na tututok sa mabilis na paghahatid ng kailangang tulong para sa mga residenteng lubhang tinamaan ng nagdaang bagyong Odette.   Ayon kay Acting Presidential Spokesperson at Cabinet Secretary Karlo Nograles, partikular na pinatututukan ni Pangulong Rodrigo Roa Duterte kay Bautista ang Siargao, Dinagat Island at […]

    read more

  • $750M loan deal para sa COVID-19 response, nilagdaan ng Pilipinas at China-led AIIB

    Lumagda sa isang kasunduan ang Pilipinas sa China-led Asian Infrastructure Bank (AIIB) para sa $750 million na loan para gamitin sa COVID-19 response ng pamahalaan.   Pinagtibay ng $750-million loan accord na ito ang commitment ng AIIB na maging katuwang ng Asian Development Bank (ADB) sa pag-finance sa COVID-19 Active Response and Expenditures Support (CARES) […]

    read more

  • ELLEN, tinawag na ‘ingrata’ ng netizens at pinalalayas na sa ‘Pinas dahil sa planong mag-file ng kaso

    NEGA nga sa netizens ang balitang diumano’y planong mag-file ng legal complaints ni Ellen Adarna sa production ng John en Ellen kunsaan, naging show niya sa TV5.     Pagkatapos ng walk-out issue, heto’t mali raw ang ginawang pagsu-swab sa kanya kaya siya nag-false positive, pati ang P.A. niya. Na-trauma at hindi rin daw nakita […]

    read more
People's Balita.
All rights reserved. © Copyright 2025.