Malakanyang, umapela sa publiko na hayaan na magdesisyon si PDu30 sa isyu ng WPS
- Published on April 20, 2021
- by @peoplesbalita
UMAPELA ang Malakanyang sa publiko na hayaan si Pangulong Rodrigo Roa Duterte na plantsahin sa pribadong pamamaraan ang isyu ng di umano’y pagsalakay ng China sa West Philippine Sea (WPS).
Sinabi ni Presidential Spokesperson Harry Roque, ang diplomatic negotiations ay nasa ilalim ng listahan ng exceptions ng Executive Order (EO) 2, o mas kilala bilang Freedom of Information.
“Kung anuman ang ginagawa ng Presidente, hayaan na nating gawin niya ‘yun sa isang pribadong pamamaraan dahil hindi naman po dapat inaanunsiyo sa publiko kung ano ‘yung mga diplomatic initiatives at hakbang na ginagawa ng Pangulo,” ayon kay Sec.Roque.
Muling naghain ng dalawang diplomatic protest ang Department of Foreign Affairs (DFA) laban sa China, kaugnay ng mahigit 200 Chinese militia vessels sa West Philippine Sea.
Ayon kay DFA Sec. Teddyboy Locsin Jr., maganda ang pagkakahanay ng kanilang liham, ngunit hindi ito maaaring ilabas sa publiko, kaya’t ang Senate at House committees on foreign relations lamang ang kanilang binigyan ng kopya.
Laman ng panibagong reklamo ang pagmamatigas ng China na paalisin ang 240 Chinese militia vessels, anim na Chinese navy vessels, kasama na ang tatlong warships na nasa loob ng ating teritoryo.
May namataan ding dalawang People’s Liberation Army Navy vessels sa Bajo de Masinloc.
Maliban dito, iniulat din ng National Task Force on the West Philippine Sea (NTF-WPS) na may na-monitor silang Chinese poachers na nangunguha ng mga lamang dagat sa Pag-asa Islands.
Samantala, naniniwala naman si Sec. Roque, na paaalisin ng China ang lahat ng sasakyan nito sa WPS lalo pa’t magkaibigan naman ang dalawang bansa.
“Hindi ko po masasabi iyan pero inaasahan po natin na ‘yung malapit na pagkakaibigan natin, magiging dahilan kung bakit sila ay aalis ng maaga kaysa nang mas matagal ,” anito.
Kumpiyansa si Sec. Roque na gagawa ng tamang desisyon ang Punong Ehekutibo.
“The President must make the right decision no matter what. So let’s leave the President to his devices. Napakita naman po niya na ,” aniya pa rin. (Daris Jose)
-
PLASTIC CRISIS TINALAKAY NG UN SA FRANCE, QC MAYOR BELMONTE KUMATAWAN SA MGA CITY MAYORS AND LEADERS
KINATAWAN ni Quezon City Mayor Joy Belmonte ang mga mayor at city leaders sa buong mundo sa isinagawang high-level event ng United Nations Treaty on Plastic Pollution sa Paris, France na pinangasiwaan ng French Government at United Nations Environment Programme. Sinabi ng alkalde kung gaano kahalaga na mapakinggan ang bawat sentimiyento ng mga […]
-
Expansion ng PGH, itinulak ni Bong Go
ISINULONG ni Senator Christopher “Bong” Go, chair ng Senate committee on health and demography, ang legislative bill na naglalayong dagdagan ang bed capacity ng Philippine General Hospital (PGH). Mula sa kasalukuyang 1,500 beds nais ni Go na gawing 2,200 bed capacity ang PGH bilang bahagi ng ang kanyang layunin na palakasin ang imprastraktura […]
-
SUMMON YOUR COURAGE TO FACE FEAR ON THE BIG SCREEN WHEN “EVIL DEAD RISE” OPENS EXCLUSIVELY AT AYALA MALLS CINEMAS
AYALA Malls Cinemas continues to give more reasons to movie enthusiasts to experience and relish once again the joys of watching horror movies on the big screen with their own curation of film titles in the A-List Series. Coming this May 10 as part of it’s a-List Series is “Evil Dead Rise” […]