• June 17, 2024
  • Ang Diyaryong Pinagkakatiwalaan

Manila Bay Cleanup Compliance, nasungkit ng Navotas

NAKATANGGAP ang Pamahalaang Lungsod ng Navotas ng 94.2% na marka sa 2019 Assessment of Compliance of Local Government Units to Manila Bay Clean up, Rehabilitation and Preservation Program (MBCRPP).

 

Kasama ang Navotas sa top five na mga LGU na nagtaguyod ng Supreme Court mandamus na nag-uutos sa mga ahensya ng gobyerno na linisin, ayusin at ipreserba ang Manila Bay at ibalik ang water quality nito para pwede ng paglanguyan o gamitin sa contact recreation.

 

Hinikayat ni Mayor Toby Tiangco ang mga Navoteño at opisyal ng barangay na ipagpatuloy ang pagsisikap na manatiling malinis ang mga katubigan sa lungsod.

 

“Ang pangingisda ang ating pangunahing pinagkukunan ng kabuhayan at bilang fishing community, dapat binibigyan natin ng lubos na pagpapahalaga ang kalusugan at kondisyon ng ating mga dagat at ilog,” ani Mayor. “May mga polisiya at programa tayo para mapanatiling malinis ang ating mga dagat at ilog at ibalik ang water quality nito sa swimming level. Ngunit, kailangan natin ang suporta at pakikilahok ng lahat para magtagumpay ang mga polisiya at programang ito.”

 

Ipinapatupad ng Navotas ang mga ordinansa ukol sa anti-littering, maayos na sewage at septage sa mga kabahayan, opisina at establisimiyento, at iba pa.

 

Aktibo rin itong nakikilahok sa Battle for Manila Bay clean-up drive at nakakolekta ito ng 2,267,087 kilo ng basura noong Enero hanggang Disyembre 2019.

 

Dagdag pa rito, patuloy na nagsisikap ang lungsod na makapagbigay ng bagong tahanan sa mga informal settler families na nakatira sa tabing-dagat o ilog.

 

Ang Department of Environment and Natural Resources at San Miguel Corp., sa kabilang banda, ay nagsimula ng magsagawa ng sustainable dredging program para sa Tullahan-Tinajeros river system.

 

Maliban sa pagtanggal ng silt, debris at basura sa ilalim ng ilog, inaasahang makatutulong ang dredging program para maiwasan ang pagbaha sa Bulacan. (Richard Mesa)

Other News
  • Nag-celebrate ng first monthsary ang #PorDee: MICHELLE, kinakiligan ang pinost na twinning photoshoot nila ni ANNTONIA

    NATUWA ang fans ni Miss Universe PH 2023 Michelle Marquez Dee dahil nag-celebrate ito ng first monthsary ng #PorDee, ang tandem nila ni Miss Universe 2023 first runner-up Anntonia Porsild of Thailand.       Nag-share si Michelle sa X (formerly Twitter) ng twinning photoshoot nila ni Ann. May caption ito na: #PorDee1stMonthsary.     […]

  • Halos 100-K indibidwal isinailalim sa pre-emptive evacuation sa ‘Bagyong Odette’ – NDRRMC

    Nasa 26,430 pamilya o 98,091 indibidwal na ang isinailalim sa pre-emptive evacuation dahil sa bagyong “Odette” mula sa apat na rehiyon.     Ayon kay NDRRMC Operations Center Chief Jomar Perez, pinakamarami sa mga ito ay ang mula sa CARAGA region na bumibilang ng mahigit 78,000 kasunod ang Region 8 na nasa mahigit 17,000; Region […]

  • ‘Oplan Biyaheng Ayos’ ikinakasa ng PITX, para sa Semana Santa

    NAGHAHANDA na ang Parañaque Integrated Terminal Exchange (PITX) sa pagtiyak ng seguridad at kaligtasan ng mahigit 1.2 milyong pasahero na inaasahang dadagsa ngayong Semana Santa.     “The expectation of more than a million passengers stemmed from the observation that passengers will travel earlier to avoid the holy week exodus within the metro, with this, […]