Marami ang mapapaluha sa documentary na tungkol sa ina at sa anak… MARIAN, inamin na ayaw gawin ang Mother’s Day special na dinirek ni DINGDONG

KUNG matagal-tagal din na hindi napanood ang mga Kapuso Primetime King at Queen na sina Dingdong Dantes at Marian Rivera sa telebisyon, aba ngayon naman, parang bumabawi ang mga ito.

Si Dingdong ay halos araw-araw napapanood sa GMA-7 dahil sa kanyang “Family Feud,” “Amazing Earth.”  Si Marian sa kanyang “Tadhana.”  Pero simula ngayong Sabado, May 7 at 2:30 p.m., si Marian at Dingdong ay may espesyal na documentary for Mother’s Day, ang “Miss U: The Journey to The Promise Land.”

Ito ‘yung biglaang docu na naisip ni Dingdong nang maging isa sa judge si Marian ng Miss Universe last year and was shot in Israel. Si Dingdong din ang naging director ng docu. Napanood namin ang special screening na dinaluhan din nina Dingdong at Marian. At sigurado, tulad namin, marami ang mapapaluha sa documentary na ito tungkol sa ina at sa anak.

Inamin ni Marian sa amin noong unang sabihin ni Dingdong sa kanya, as in two days lang daw bago sila umalis, ayaw niya raw gawin. Una, inisip niya raw, kung kailan ba matanda na siya at may mga anak, saka pa sila mag-oopen-up ng mommy niya, si Mommy Amy sa relasyon nila, lalo na noong iniwan siya at nag-trabaho sa ibang bansa.  Pero, ito na yata ang most real Marian na mapapanood siya ng mga tagahanga niya.

At simula naman sa May 14, tuwing Sabado ng 7pm, makakasama sina Marian at Dingdong bilang sina Jose at Maria sa kanilang first sitcom together na “Jose & Maria’s Bonggang Villa.”  Joint produced ito ng GMA, APT Entertainment at Agostodos.

At hinihiritan talaga si Dingdong na mas kilala naman kasi bilang seryosong actor na ngayon, sumasabak sa comedy with Marian.  Pero sey niya, sa kanilang sitcom, “Tinatalakay rin dito ang buhay mag-asawa ng mga Filipino. Hindi lang siya puro comedy, may mga episode rin na may drama. Basta ang bottomline, every episode, pagkatapos panoorin, may takeaway na values and at the same time, na-entertain ka.”

***

KUNG dati ay nag-aalangan pa si Barbie Forteza sa kabila ng pagiging flawless skin niya at maganda rin namang pangangatawan, aba this time, hindi na rin siya nagpatalbog sa kanyang boyfriend, ang topless kung topless palagi na si Jak Roberto.

Nagse-celebrate ng kanilang 5 years anniversary as mag-jowa ang dalawa at very thankful nga raw siya sa effort ni Barbie na nakapag-beach sila. Si Barbie raw talaga nag-ayos ng lahat at nakapag-Belleveu Resort sila in Bohol. 

At sey pa ni Jak, “Salamat, kaylangan talaga natin to after ng trabaho, sobrang saya ko na finally may nakasama din akong “The One” sa beach at is ana naman sa pangarap ko ang natupad! Advance happy 5^th anniversary Madam! Mahal na mahal po kita!”

Si Barbie naman, talagang mararamdaman sa post niya kung gaano niya kamahal si Jak, Aniya, “Almost five years of genuine happiness because of this man. My man @jakroberto I love you so much.”

***

ABA, hindi rin talaga nagpatalo at nagpakabog ang Asia’s Limitless Star na si Julie Anne San Jose.

Kung marami ngayon ang naglalantad ng kanilang mga beach body na mga female stars, hindi rin nagpahuli si Julie.

Ipinakita nito ang kanyang bonggang abs at malusog na dibdib din sa kanyang two-piece swimsuit habang nasa beach. Palibhasa sexy, kahit dati pa at kahit wholesome pa ang image ni Julie, pagdating sa mga ganitong pictorial at pagpo-post na naka-two piece siya ay game talaga ang star ng All-Out Sundays.

Five minutes nang makita namin na nai-post na ni Julie ang beach bod photo niya at dahil sanay na ang fans at netizens na isa si Rayver Cruz sa ‘di nag-aabsent sa pagre-react sa mga post ni Julie, inunahan na siya ng ibang fans at sinabihan ito na, “Naunahan na kita @rayvercruz tagal mo!”

Iba pang comment sa pasabog na ‘yun ni Julie, “Pati ba naman sa kasexyhan at kagandahan, limitless ka rin?”

“This girl is on fire!”

“Pati ako babae, nagka-crush kay @myjaps!”

Nasa Boracay si Julie ngayon para sa taping ng pinagbibidahang sitcom ni John Lloyd Cruz na “Happy ToGether.”

***

MUKHANG after ng sunod-sunod na naging failed relationship ni Heaven Peralejo, baka nga this time, kung totoo man ang chika na may bago na rin naman itong boyfriend, e, mas self love muna ang pinaiiral niya.

Halatang masaya si Heaven na nag-flaunt ng kanyang beach body sa kanyang two piece bikini.  Hindi ito pumayag na wala rin siyang entry, ‘no!

Sabi ni Heaven, mas confident daw siya ngayon at nagpasalamat sa mga taong nag-motivate sa kanya.

“I’m a much more confident version of myself because Im surrounded by people who continuously support and push me to be better.”

“It took so much patience, effort and commitment for me to feel good about myself. It may not be easy, but I hope we can learn to be kinder to our bodies.”

(ROSE GARCIA)