Marcos sa LGUs: Maglagay ng common area sa fireworks display
- Published on December 23, 2022
- by @peoplesbalita
UPANG mabawasan ang pinsala na dulot ng paputok, hinimok ni Pangulong Ferdinand Marcos Jr. ang mga local government units (LGUs) na maglagay ng common area para sa fireworks display sa pagsalubong sa Bagong Taon.
Ayon sa Pangulo, mas makakabuti kung gagawa na lamang ang mga LGUs ng magandang fireworks display na panonoorin ng kanilang mga constituents.
Pero binalaan din niya ang mga Pilipino tungkol sa mga panganib at epekto sa kalusugan nang paggamit ng paputok lalo na ang mga hindi nag-iingat at hindi isinasaalang-alang ang kaligtasan ng iba.
“Huwag muna tayong magpaputok at alam naman natin kung minsan delikado ‘yan. Lalo na ngayon at maglalabas sila ng mga paputok na hindi natin alam kung saan galing, kung maayos ang pagkagawa,” ani Marcos.
Nauna nang napansin ng Department of Health (DOH) ang pagbaba ng mga pinsalang may kaugnayan sa paputok sa bansa base sa mga numero sa mga nakaraang taon.
Sinabi ni DOH Officer-in-Charge Maria Rosario Vergeire, sa isang forum nitong Martes, na 122 kaso ang naitala noong 2020, habang 128 ang naiulat noong nakaraang taon.
Pinalakas naman ng Philippine National Police ang pagsisikap na magsagawa ng cyber patrol, pagkumpiska at pagsira sa mga ipinagbabawal na paputok at pyrotechnics upang maprotektahan ang publiko. (Daris Jose)
-
Customs nagsampa ng reklamo vs ‘pag-aabandona’ sa 7,000 Balikbayan boxes
NAGSAMPA na ng reklamong kriminal ang Bureau of Customs (BOC) laban sa ilang consolidators at deconsolidators na nag-abandona raw sa mahigit 7,000 padala ng overseas Filipino workers bago ang Pasko. Ibinahagi ito ng Customs, Miyerkules, sa isang pahayag na ipinaskil sa kanilang opisyal na Facebook page. Ilan sa mga consolidators at deconsolidators na humaharap sa […]
-
Hipolito bumuhat ng tanso sa Jeddah tourney
Bumuhat ng bronze medal si Jeaneth Hipolito para simulan ang kampanya ng Pilipinas sa International Weightlifting Federation (IWF) Youth World Championships sa Jeddah, Saudi Arabia. Pumuwesto ang 14-anyos na si Hipolito sa third place sa itinalang 51 kilograms sa snatch event ng women’s 40-kilogram division. Naglista ang tubong Zamboanga City ng […]
-
Panuntunan sa paggunita ng Undas, inilabas ng Navotas
NAGPALABAS ang Pamahalaang Lungsod ng Navotas ng mga panuntunan para maging ligtas ang paggunita ng Undas sa mga sementeryo sa lungsod ngayong taon. Ayon kay Mayor John Rey Tiangco, bukas ang mga pribado o pampublikong sementeryo, memorial park, o columbarium sa Oktubre 30 hanggang Nobyembre 3, 2022. Aniya, upang maging maayos […]