Mas maraming tauhan, kailangan para i-monitor ang maritime schools-CHED
- Published on April 12, 2023
- by @peoplesbalita
SINABI ni Commission on Higher Education (CHED) chairman Prospero de Vera III na mas maraming tauhan ang kailangan para i-monitor ang maritime institutions sa iba’t ibang bahagi ng bansa.
Tinuran ni De Vera na nagpapatuloy ang evaluation o pagsusuri sa mga maritime school para i-check kung sumusunod ang mga ito sa standards kasunod ng ginawang pagkilala ng European Union (EU’s) sa sertipiko para sa mga seafarers na ipinalabas ng Pilipinas.
“Kailangan namin dagdag na tao kasi marami. That’s why kami ni Secretary Bautista will have to look for additional allies to help monitor compliance kasi hindi naman ganoon kadami ang staff ng CHED. Hindi rin gano’n kadami ang staff ng MARINA,” ang pahayag ni de Vera sa Palace briefing.
Binanggit ni De Vera na itinigil na ng pamahalaan ang 15 maritime programs dahil sa pagiging non-compliant sa standards.
“We closed down 15 maritime programs already. If it’s true that everyone is compliant with standards, then we should not have been able to close 15 maritime programs,” ani de Vera.
“We’re very strict. The technical panel and our technical evaluators have gone through the program and we closed 15 over the past year and a half. So there are programs that are non-compliant,” dagdag na pahayag nito.
Nauna rito, sinabi ng CHED na nakipag-ugnayan na ito sa maritime schools at sa Maritime Industry Authority (MARINA) para ikasa ang reporma na ipinanukala ng EU para tiyakin na ang mga Filipino seafarers ay patuloy na makapagtatrabaho sa foreign vessels.
Inulit naman ni De Vera ang five-year moratorium sa pagbubukas ng bagong mga maritime programs na ipinatupad upang masiguro na marebisa na ang lahat ng maritime schools ay makapagsagawa bago pa magdagdag ng isa pa.
Para naman kay MARINA administrator Hernani Fabia, mayroon pang mga usapin na kailangan na plantsahin sa kabila ng pagkilala ng EU sa sertipiko.
Kabilang aniya rito ay ang mga usapin ukol sa “supervision of manning and training, assessment of competence, as well as design and approval availability, among others.” (Daris Jose)
-
Kasong kriminal at administratibo ihahain kina PhilHealth President at CEO Morales at iba pa
INAPRUBAHAN ni Pangulong Rodrigo Roa Duterte ang rekomendasyon ng task force PhilHealth na sampahan ng kasong kriminal at administratibo ang nagbitiw na si Philippine Health Insurance Corp. Ricardo Morales at ilang executives kaugnay sa iregularidad sa state insurer. Mismong si Pangulong Duterte ang nagbasa ng rekomendasyon ng task force sa public address nito, Lunes […]
-
DATING COMELEC CHAIRMAN, SIXTO BRILLANTES, PUMANAW NA
PUMANAW na si dating Commission on Election (Comelec) Chairman Sixt Brillantes. . Ayon kay Comelec Spokespeson James Jimenez, pumanaw si Brillantes dakong alas-11:08 ng umaga ngayong Martes, August 11. Namuno itong Comelec Chair noong Enero 2011 hanggang Pebrero 2015 . Sa kasagsagan ng pandemiya, si Brillantes ang iniulat na tinamaan ng sakit na COVID-19. Sa […]
-
Ads March 4, 2021