Mavs nakaiwas sa sweep ng Warriors
- Published on May 27, 2022
- by @peoplesbalita
NAGPOSTE si Luka Doncic ng 30 points, 14 rebounds at 9 assists para igiya ang Mavericks sa 119-109 paggiba sa Golden State Warriors at makaiwas mawalis sa Western Conference finals.
Ito ang ika-10 double-double ni Doncic sa kanyang 14 games sa postseason para sa 1-3 agwat ng Dallas sa kanilang best-of-seven series ng Golden State.
“Just got to finish the game. A win is a win,” sabi ni Doncic na may masamang 10-of-26 fieldgoal shooting.
Nagdagdag si Dorian Finney-Smith ng 23 points at may 18 markers si Reggie Bullock na lahat ay galing sa three-point line.
May 15 points si Jalen Brunson, habang may 13 at 10 markers sina Maxi Kleber at Spencer Dinwiddie, ayon sa pagkakasunod.
Nagsalpak ang Mavericks ng 20 triples para tapusin ang tatlong sunod na kabiguan sa Warriors sa serye.
Nakatakda ang Game Five sa San Francisco.
Umiskor si star guard Stephen Curry ng 20 points para sa Golden State na nakadikit sa 102-110 agwat matapos magtayo ang Dallas ng 29-point lead.
Ngunit hindi na muling nakalapit ang Warriors.
“Just made the decision to see if we could pull off a miracle, but it wasn’t meant to be,” sabi ni coach Steve Kerr sa kanyang tropa.
Ang dunk ni Doncic at ang ikaanim na tres ni Bullock ang muling naglayo sa Mavericks sa 115-102.
Wala pang NBA team na nakabangon mula sa 0-3 deficit at naipanalo ang serye.
Isang beses lang nawalis ang Dallas sa kanilang 34 best-of-seven series.
Ito ay nang dominahin ng Oklahoma City Thunder ang Mavericks sa first round ng 2012 playoffs.
-
PDu30, pinasinayaan ang CCLEX sa “historic day”
PINASINAYAAN ni Pangulong Rodrigo Roa Duterte ang iconic Cebu-Cordova Link Expressway (CCLEX) sa pamamagitan ng unique car ribbon-cutting ceremony sa gitna ng tulay. Sa halip na pagputol sa ribbon gamit ang tradisyonal na gunting, pinaandar ang Presidential vehicle sa ribbon sa gitna ng tulay, simbolo na ang tulay ay magiging expressway para sa […]
-
Nangyari rin kay Zeinab na natanggal ng walang rason: IVANA, naghihimutok na pagkawala ng FB page na may 19M followers
NAGULAT at hindi malaman ng sexy actress at top youtuber na si Ivana Alawi kung bakit tinanggal ng Facebook at FB page niya na may 19 million followers. Pareho sila ng isang Youtuber rin na si Zeinab Harake na may mahigit 10 million ang mga followers sa kanilang Facebook account, pero nagulat na lang […]
-
Travel ban sa Taiwan, binawi na ng pamahalaan
Binawi na ng pamahalaan ang pag-iral ng travel ban sa Taiwan. Dahil dito, maaari na muling makabiyahe anuman ang nationality mula Pilipinas patungong Taiwan at mula Taiwan pabalik ng Pilipinas. Ayon kay Presidential Spokesperson Salvador Panelo, ang pagbawi sa ban ay napagpasyahan ng Inter-Agency Task Force for the Management of Emerging Infectious Disease […]