‘Maximum tolerance’ tiniyak ng PNP sa paglabas ng mga bata
- Published on July 12, 2021
- by @peoplesbalita
Tiniyak ng Philippine National Police (PNP) na kanilang paiiralin ang “maximum tolerance” sa pagpapatupad sa panibagong protocol ng Inter Agency Task Force hinggil sa pagpayag na lumabas na rin ang mga bata sa iilang lugar.
Inihayag ito ni PNP chief Gen. Guillermo Eleazar kasabay ng paalala sa mga magulang na kailangan pa rin bantayan ang kani-kanilang mga anak.
Ayon kay Eleazar, dahil sa pagluluwag ng regulasyon, maraming bata ang inaasahang makikitang lalabas at pagala-gala sa lansangan. Maraming bata ang papaalalahanan at sasawayin ng mga pulis kaya kailangan ay maximum tolerance.
Sa bagong protocols, pinapayagan nang makalabas ang mga batang nasa edad 5 taon pataas subalit hindi pa rin pinapayagan sa malls. Payo ni Eleazar kailangan na magdoble ingat sa paglabas kasama ang mga bata.
Hindi dapat magpaka-kampante ang mga magulang sa paglabas ng bahay dahil nariyan pa rin ang banta ng COVID-19 at lalo pa itong bumabagsik dahil sa mga bagong variant.
Nagbabala pa ang PNP Chief sa mga magulang kung may mga paglabag sa mga panuntunan sila ang mananagot.
Ang bagong panuntunan ng IATF ay ipatutupad sa GCQ at MGCQ areas.
Hindi kasama rito ang mga lugar na nasa GCQ “with heightened restrictions,” tulad ng Laguna at Cavite. (Gene Adsuara)
-
Ho 50 bisikleta ang ihahandog sa Pasig
NAKATAKDANG tumanggap ng 50 biskleta ang mga residente sa Pasig City buhat kay dating Philippine SuperLiga (PSL) at television host Gretchen Ho. Nakolekta niya ang mga bike sa magdyowang sina 2018 Miss Universe Catriona Gray, actor Sam Milby at ilang organisasyon sa pamamagitan ng kanyang proyektong #DonateABikeSaveAJob. Ipinaskil ng former Petron Blaze Spikers […]
-
Tate, Vera ONE FC Ambassadors
NAGBIGAY pugay at inspirasyon sa tropa ng Amerikano sina dating UFC women’s bantamweight champion at current ONE Championship Vice President Miesha Tate at ONE Heavyweight World Champion Brandon “The Truth” Vera sa Andersen Air Force Base sa Guam. Isinagawa ang pagbisita sa pakikipag-ugnayan sa United Service Organizations (USO) bilang pagbibigay kahalagahan sa nagawa ng […]
-
DTI humihirit ng P300-M para sa ‘strike force’ program nila
IPINALIWANAG ni Department of Trade and Industry (DTI) ang kalahagahan ng P300-milyon na program nila. Sinabi ni DTI Secretary Alfredo Pascual na ang nasabing programa ay magtataguyod sila ng “strike Force” na siyang lalaban sa mga hoarders, scammers at mga mapagsamantalang negosyante. Paglilinaw pa ng kalihim na ang nasabing pondo ay […]