MAYO 9, ARAW NG HALALAN, SPECIAL NON-WORKING HOLIDAY
- Published on May 6, 2022
- by @peoplesbalita
OPISYAL nang idineklara ng Malakanyang na Special (Non-Working) Holiday sa buong bansa ang araw ng Lunes, May 9, araw ng National at Local Elections.
Nakasaad sa ipinalabas na Proclamation No. 1357 ng Malakanyang na kapuwa pirmado nina Pangulong Rodrigo Roa Duterte at Executive Secretary Salvador Medialdea Jr. na may pangangailangan na ideklarang special (nonworking) holiday sa nasabing petsa upang magawa ng mga tao na makaboto ng maayos habang inoobserba ang public health measures na patuloy na ipinatutupad ng gobyerno.
“There is a need to declare Monday, 09 MAy 2022, a special (non-working) holiday to enable the people to properly exercise their right to vote, subject to the public health measures of the national government,” ang nakasaad sa nasabing proklamasyon.
Samantala, mahigpit na babantayan ng Commission on Elections (COMELEC) ang pagpapatupad ng minimum health and safety protocols laban COVID-19 ngayong eleksyon 2022. Inihayag ito ni COMELEC Commissioner Aimee Torrefranca – Neri na siyang bagong talagang Chairperson ng New Normal Committee ng poll body.
Sinabi ni Neri na sa kabila ng mababang kaso ng COVID-19 sa bansa, hindi aniya magpapakakampante ang COMELEC para maiwasan ang panibagong surge ng COVID-19 ngayon panahon ng halalan.
Kaya naman apela ng COMELEC sa publiko na palaging sumunod sa minimum public health standards bago, habang at kahit matapos na ang eleksyon para mapangalagaan ang kalu- sugan at kaligtasan ng lahat. (Daris Jose)
-
Putin, ipinag-utos na ilagay sa high alert ang nuclear forces ng Russia
IPINAG-UTOS ni Russian President Vladimir Putin na ilagay sa high alert ang deterence forces ng Russia na kinabibilangan ng mga nuclear arms. Sa kanilang isinagawang pagpupulong ay inatasan ni Putin sina Defense Minister Sergei Shoigu at chief of General Staff of the Russian Armed Forces Valery Gerasimov na ilagay sa combat alert ang […]
-
PSC Badjao Children’s Games sa Tawi-Tawi
MAY pagkakataong matuto at magsaya sa iba’t ibang tradisyonal na sports ang mga kabataan na kabilang sa Indigenous People partikular ang mga Badjao sa pagsasagawa sa sandaling ang coronavirus disease 2019 ng Philippine Sports Commission (PSC) Children’s Games. Nagpasalamat na kaagad ang mga pinuno sa Mindanao State University-Tawi-Tawi sa nakatakdang plano sa proyektong kinilala […]
-
9 PANG PUGANTENG JAPANESE NATIONAL, PINA-DEPORT
PINABALIK sa kanilang bansa ng Bureau of Immigration (BI) ang siyam na puganteng Japanese national na wanted sa Tokyo dahil sa telecommunications fraud. Ang mga pugante ay umalis patungong Narita via Ninoy Aquino International Airport Terminal 1, kasama ang kanilang mga Japanese police escort . Kinilala ang mga pina-deport na sina […]