Mayor ISKO, napili para maging bida ng ultimate ‘Bonifacio’ film; may basbas ng great granddaughter ng bayani

SI Manila Mayor Isko Moreno ang napili ng Regal Entertainment para sa Bonifacio film na ididirek ni Erik Matti.

Isa raw legacy project ang film bio ni Bonifacio at ang pagkapili kay Mayor Isko ay may basbas ni Susan Meyer, na great granddaughter ng Filipino hero na si Andres Bonifacio.

Ayon pa sa mga producers, ang filmbio na ito ay ang “ultimate film” tungkol sa buhay ng bayani.

Ayon pa kay Direk Erik at Dondon Monteverde, may parallels daw sa buhay nina Mayor Isko at Bonifacio. Perfect choice daw si Isko para sa papel ni Bonifacio dahil bukod daw sa magkamukha ang dalawa, pareho silang theater actors na nagmula sa Tondo, Maila.

At tulad ni Isko, dating mayor ng Manila si Santiago Bonifacio, ang ama ni Andres Bonifacio.

Ayon naman kay Susan Meyer, naniniwala raw siya na maka-Bonifacio si Isko at nadarama raw niya rito ang ipinaglalaban ng Lolo Andres niya noon, tulad nang ginagawa ni Isko na paglilinis ng Bonifacio Shrine na malapit sa City Hall sa unang buwan ng kanyang panunungkulan bilang Mayor ng Maynila.

“Sa tingin ko magaling din siya umarte. Hindi ko lang alam kung magaling siya sa action,” dagdag pang pahayag great granddaughter ni Bonifacio.

Tatlong pelikula na ang nagawa sa buhay ng tinaguriang “Father of the Philippine Revolution” namely Bonifacio: Ang Unang Pangulo (2014), Supremo (2012) at Ang Paglilitis ni Andres Bonifacio.

Pero ang bagong movie na raw ito tungkol kay Bonifacio ay maglalahad ng mga bagong tuklas na detalye sa buhay ng bayani.

Nang malaman daw ni Direk Erik ang mga bagong detalye sa buhay ni Bonifacio, naging interesado na raw agad sila ni Dondon Monteverde na isapelikula ito. Layunin nila na ipaalam sa mga tao ang mga bagong tuklas nilang impormasyon sa bayani, para mas lalo raw natin makilala at maunawaan si Bonifacio.

Titled Maypagasa, ito ang unang period movie ng gagawin ng director ng Buy Bust.

“Gusto namin makapagkwento sa buhay ni Bonifacio na hindi bahagi nang naituro sa atin sa paaralan at hindi pa natin napanood sa anumang pelikula na ginawa sa buhay niya. Ang gusto namin na maging relevant ang Bonifacio movie na ito for 2021,” pahayag pa ni Direk Erik.

***

HINDI naman natuloy si Liza Soberano na gumanap bilang Darna despite the many preparations for it, may ibang magandang project naman na dumating sa kanya via the movie Trese.

Si Liza ang nagboses sa lead character ng Trese, na napapanood ngayon sa Netflix.

Although napapanood din ito sa ibang lengguwahe, marami ang nagkagusto kung paano nilapatan ni Liza ng kanyang boses ang bidang karakter.

Komento ng ibang nakapanood na, bumagay daw sa karakter how Liza voiced sa series.

Suwerte pa rin si Liza dahil magandang dagdag sa kanyang resume ang pagiging bahagi niya ng Trese.

(RICK CALDERON)