• June 14, 2024
  • Ang Diyaryong Pinagkakatiwalaan

Mayor Tiangco: Covid-free pa rin ang Navotas

SA kabila ng mga tsismis na naglipana online, tiniyak ni Mayor Toby Tiangco sa mga residente ng Navotas na wala pa ring kumpirmadong kaso ng Coronavirus Disease 2019 (COVID19) sa lungsod.

 

Nilinaw ni Tiangco na ang lungsod ay may 13 na persons under monitoring (PUM) sa ngayon, 11 March, at lahat sila ay sumasailalim sa self-quarantine at regular na binibisita ng mga kawani ng City Health Office at Barangay Health Emergency Response Teams (BHERT).

 

“Sa ngayon, may 13 na PUM sa Navotas pero nananatili itong COVID-free. Ang mga PUM ay may travel history sa lugar na may kumpirmadong kaso ng COVID19 o history of exposure sa nasabing sakit. Hindi sila nakikitaan ng palatandaan at sintomas ng sakit at sila ay isinasailalim sa self-quarantine,” paliwanag niya.

 

Ang mga persons under investigation (PUI) naman ay kapareho ng deskripsyon ng PUM ngunit sila ay may palatandaan at sintomas ng COVID19. Ina-admit sila sa ospital para sumailalim sa mas maraming test.

 

Sinabi rin ng alkalde na masugid na hinahanap ng Navotas Inter-Agency Task Force on COVID-19 ang mga residenteng maaaring apektado ng nasabing sakit.

 

Pinaalalahanan niya ang mga Navoteños na maaari silang tumawag sa 8281-1111 para mag-report o magtanong tungkol sa COVID19.

 

Umapela rin si Tiangco sa publiko na isagawa ang social distancing na ipinayo ng Department of Health para malimitahan ang pagkakataon na magkaroon ng close contact ang mga tao sa isa’t isa. Kabilang dito ang pag-iwas sa pakikipagkamay, pagyakap o pagpunta sa matataong lugar o aktibidad.

 

“Sinuspinde ni Pangulong Duterte ang mga klase hanggang March 14 bilang preventive measure para mapanatiling ligtas ang mga estudyante sa COVID19. Sa pagkansela ng klase at pagpapanatili sa kanila sa bahay, nalilimitahan ang pagkakataon na makikihalubilo sila sa iba at nababawasan ang panganib na mahawaan o mapalaganap nila ang sakit,” aniya.

 

Hinikayat din ng alkalde ang mga Navoteño na parating maghugas ng kamay sa loob ng 20 segundo, sundin ang tamang paraan ng pag-ubo o pagbahing, lumayo sa mga may sakit, at iwasan ang matataong lugar. (Richard Mesa)

Other News
  • PDu30, patuloy ang ginagawang paglilinis sa pamahalaan

    PATULOY ang ginagawang paglilinis ni Pangulong Rodrigo Roa Duterte sa pamahalaan.   Sa katunayan, binasa at inisa-isa ni Pangulong Duterte ang mga pangalan ng mga sinibak sa tungkulin dahil sa iba’t ibang reklamo.   “Well, just to show that we are in the process of still cleansing government, ang na-dismiss sa service, si Rodrigo — […]

  • Bond Is Back In An Action-packed 30-second New Trailer of ‘No Time to Die’

    UNIVERSAL Pictures just released a new trailer of No Time to Die the 25th installment of the legendary franchise.     After multiple delays, fans worldwide will once again see Daniel Craig wield his fancy gadgets and burn rubber in the latest adventure of James Bond. This is Craig’s fifth and final turn as fictional […]

  • Vietnam humiling ng karagdagang araw para sa pinal na desisyon kung matutuloy ang SEA Games

    Humiling pa ng ilang araw ang Vietnam para pagdesisyunan ang kapalaran ng Southeast Asian Games kung ito ba ay matutuloy o kakanselahin.     Sinabi ni Philippine Olympic Committee (POC) President Abraham “Bambol” Tolentino na humirit ng 14 na araw ang Vietnam bago nila pagdesisyunan kung matutuloy ba o iaantala ang torneyo.     Sa […]