• April 25, 2025
  • Ang Diyaryong Pinagkakatiwalaan

Mayor Tiangco nagpasalamat sa DENR, San Miguel Corp. sa sustainable dredging program

NAGPASALAMAT si Mayor Toby Tiangco sa Department of Environment and Natural Resources at sa San Miguel Corp. sa pagsisimula nito ng sustenableng programa sa dredging.

 

“Kailangan natin ang sustainable dredging program para masiguro na ang tagumpay na makakamit natin dito ay pangmatagalan at matatamasa ng mga susunod na henerasyon,” aniya sa kanyang talumpati sa opisyal na paglulunsad ng dredging ng Tullahan-Tinajeros river system.

 

Sinabi ng alkalde na patuloy na naiipon ang mga silt at sediment, pati na ang mga basura, sa ilalim ng mga ilog at iba pang anyong-tubig pero hindi ito regular na natatanggal.

 

“Dati, hindi parating nakakapagsagawa ng dredging dahil sa kawalan ng pondo. Kaya natutuwa tayo na may partnership ang DENR at ang San Miguel Corp., na nangakong magbibigay ng P1 billion, para sa proyektong ito,” dagdag niya.

 

Iniutos din ni Tiangco sa mga punong barangay na mahigpit na ipatupad ang anti-littering ordinance ng lungsod.
“Mababalewala ang dredging kung hahayaan natin ang ating mga mamamayan na magtapon ng basura kung saan-saan. Ang disiplina at mahigpit na pagpapatupad ay mahalaga rin para magtagumpay tayo sa ating kampanya na linisin ang ating katubigan,” diin niya.

 

Ang dredging ng 36.4-kilometrong Tullahan-Tinajeros river system ay bahagi ng kampanya na linisin at ayusin ang marine ecosystem ng Manila Bay.

 

Ang river system na ito ay mula sa La Mesa Dam sa Quezon City hanggang sa Centennial Park ng Navotas.
Ang SMC ang magsasagawa ng proyekto katuwang ang DENR na parehong pinangunahan nina SMC President and Chief Operating Officer, Ramon S. Ang, at DENR Secretary, Roy A. Cimatu ang paglulunsad ng dredging activities.
Maliban kay Tiangco, dumalo din sina Vice Mayor Clint Geronimo, mga konsehal at department heads, mga punong barangay, Malabon City Mayor, Antolin A. Oreta III, at DENR Usec Benny D. Antiporda. (Richard Mesa)

Other News
  • ‘State visit, nagbunga ng $14.36 billion investment pledges’ – Pangulong Marcos

    INIULAT ng Pangulong Ferdinand “Bongbong” Marcos Jr. na nakalikom sila ng $14.36 billion investment pledges sa kanyang state visit sa Indonesia at Singapore.     Katumbas ito ng halos P800,000,000,000, batay sa kasalukuyang palitan ng piso at dolyar.     Kabilang sa mga deal na ito ang nasa sector ng renewable energy, data centers, e-commerce, […]

  • DEEP INSIDE MY HEART (Chapter 4) Story by Geraldine Monzon

    NAKATAKAS ang mga kasama ni Cecilia habang siya ay naiwan sa kamay ni Bernard.     Dahil sa narinig na putok kanina ay napilitang lumabas ng silid si Angela sa pag-aalala sa asawa. Kasunod niya si Lola Corazon.     “Bernard!”     “Natawagan mo na ba si Marcelo?”     “Oo Bernard, papunta na […]

  • Tuloy pa rin ang Bulacan airport, special economic zone hiwalay na proyekto” -Fernando

    LUNGSOD NG MALOLOS- Nilinaw ni Gobernador Daniel R. Fernando na tuloy pa rin ang konstruksyon ng paliparan sa Bulacan at hindi ito apektado ng pag-veto ni Pangulong Ferdinand “Bongbong” Marcos, Jr. sa bill na lumilikha sa Bulacan Airport City Special Economic Zone and Freeport.     Pinaliwanag ni Fernando, magkahiwalay na institusyon ang dalawang proyekto […]