MECQ ‘dapat i-extend pa ng hanggang 2 linggo’ sa NCR Plus, sabi ng DOH
- Published on April 27, 2021
- by @peoplesbalita
Kung ang Department of Health (DOH) ang tatanungin, dapat pang ipalawig ang ang modified enhanced community quarantine (MECQ) sa rehiyon ng NCR Plus dahil sa patuloy na pagdami ng kaso ng coronavirus disease (COVID-19) sa Pilipinas.
Sakop ng NCR Plus — na nasa MECQ sa ngayon — ang National Capital Region, Rizal, Cavite, Laguna at Bulacan.
“Kung titingnan natin ang datos, tingin ko talagang kinakailangan ipagpatuloy ang MECQ for another week or two dahil nga ‘yung ating health system capacity, hindi masyadong nag-iimprove pa sa ngayon,” ani Health Secretary Francisco Duque III, Lunes sa panayam ng dzMM Teleradyo.
“Patuloy pa ring may ilang syudad ang may critical risk classification ang kanilang ICU capacity.”
Sa ilalim ng MECQ, mas maraming sektor na ang pinapayagang mag-operate kumpara sa enhanced community quarantine. Sa kabila niyan, hinihikayat pa rin ang work from home at iba pang flexible work arrangements. Piinapayagan ang mga pagtitipon-tipon ngunit hanggang 10% venue capacity lang ang pwede.
Lalagpas ng 1 milyong COVID-19 cases ang Pilipinas ngayong araw kung magtutuloy-tuloy ang nasa 8,791 na average new cases sa nakaraang pitong araw. Kasalukuyan itong nasa 997,523, ayon sa datos ng DOH nitong Linggo.
Kanina lang nang sabihin ni Dr. Tony Leachon, dating special adviser ng national Task Force Against COVID-19, na dapat nang i-ban ng Pilipinas ang direct flights galing sa bansang India dahil na rin sa bagong B.1.6.17 COVID-19 variant na nananalasa roon.
India pa rin ang ikalawang may pinakamataas na COVID-19 cases sa buong mundo ngayon ayon sa World Health Organization.
“The congested living conditions in India especially in their major cities are just so predisposed to covid escalation,” ani Leachon. (Gene Adsuara)
-
DOLE: Libreng bike sa ‘economic frontliners’ na magpapabakuna
Magbibigay ang Department of Labor and Employment (DOLE) ng libreng bisikleta sa mga ‘economic frontliners’ o kabilang sa A4 category na makakakumpleto ng dalawang dose ng bakuna kontra COVID-19 umpisa sa buwan ng Hulyo. Inisyal na maglalabas ng 2,000 bisikleta ang DOLE-Bureau of Workers with Special Concerns (BWSC) sa ilalim ng programang “BakSikleta”. […]
-
Tennis legend Serena Williams naiyak matapos matalo sa 3rd round ng US Open, pero magreretiro na nga ba?
NAPUNO ng emosyon ang pagtatapos ng laro ng tennis legend na si Serena Williams makaraang matalo sa third round sa US Open kay Ajla Tomljanovic ng Australia sa score na 7-5, 6-7 (4), 6-1. Naiyak si Williams lalo na at dumadagundong sa pag-cheer sa kanya ang mahigit 23,000 fans na bumuhos sa Arthur […]
-
Top 20 business and realty taxpayers sa Navotas, pinarangalan
BINIGYAN ng pagkilala ng Pamahalaang Lungsod ng Navotas ang Top 20 Business and Realty Tapayers bilang pasasalamat sa kanilang kontribusyon sa pag-unlad ng lungsod bilang bahagi ng pagdiriwangng ika-119th anibersaryo ng pagkakatatag ng Navotas City. Pinangunahan ni Mayor John Rey Tiangco at Congressman Toby Tiangco, kasama si Vice Mayor Tito Sanchez at mga konsehal ng […]