Medical insurance rule para sa mga college students sa face-to-face classes tinanggal na ng IATF
- Published on June 1, 2022
- by @peoplesbalita
INALIS ng COVID-19 task force ng bansa ang medical insurance requirement para sa mga estudyanteng pumapasok sa limited face-to-face classes.
Pinayagan ng gobyerno sa unang bahagi ng taong ito ang mga kolehiyo at unibersidad sa ilalim ng COVID-19 Alert Level 1 na magsagawa ng face-to-face classes sa buong kapasidad, ngunit ang mga pumapasok sa physical classes ay naka-enroll sa PhilHealth o anumang insurance provider.
Ayon kay Deputy Palace spokesperson Kris Ablan, base sa rekomendasyon ng Commission on Higher Education, Seksyon 4, ang item H ng joint memorandum circular ng CHED-DOH na nauukol sa medical insurance para sa mga estudyante ay pinawawalang-bisa.
Walang agad na makukuhang mga detalye kung bakit inirekomenda ito ng CHED noong una.
Ngunit nauna nang pinuna ng National Union of Students of the Philippines ang medical insurance requirement, at sinabing hindi lahat ng estudyante ay kayang bumili ng health insurance.
Hinimok nila ang gobyerno na pondohan ito sa halip.
-
1 patay, 2 arestado sa pakikipagbarilan sa pulis sa Malabon
DEDBOL ang isang umano’y holdaper matapos makipagbarilan sa rumespondeng mga pulis habang arestado naman ang dalawang kasama nito sa Malabon city, kamakalawa ng hapon. Dead-on-arrival sa Ospital ng Malabon sanhi ng tinamong tama ng bala sa katawan si Jason Danco, 33 ng Sitio 6, Dumpsite, Brgy. Catmon habang kinilala naman ang mga naaresto […]
-
P5K, makukuha ng bawat pamilyang apektado ng bagyong Odette
NANGAKO si Pangulong Rodrigo Roa Duterte na magbibigay ng P5,000 cash aid sa bawat pamilya na apektado ng bagyong Odette. Sa kanyang Talk to the People, sinabi ng Pangulo na mayroon namang sapat na pondo para sa cash aid sa mga Odette-hit families. “There are many of the poor who were affected. We […]
-
Fernando, nanawagan ng pagkakaisa at pagsunod sa batas
LUNGSOD NG MALOLOS– Nanawagan si Gobernador Daniel R. Fernando ng Bulacan sa mga Bulakenyo ng pagkakaisa at pagsunod sa batas sa pagsasailalim sa Bulacan, kasama ang iba pang lugar na kabilang sa “NCR bubble” na binubuo ng Metro Manila, Cavite, Laguna at Rizal, sa Enhanced Community Quarantine (ECQ) simula sa Lunes, Marso 29, 2021 hanggang […]