Mekaniko kalaboso sa motornaper
- Published on October 7, 2020
- by @peoplesbalita
ARESTADO ang isang mekaniko matapos makumpiska sa kanya ang tatlong nakaw na motorsiklo sa isinagawang Simultaneous Enhanced Managing Police Operation (SEMPO) ng mga pulis sa Caloocan city, kamakalawa ng gabi.
Kinilala ni Northern Police District (NPD) Director P/ Brig. Gen. Ronaldo Ylagan ang naarestong suspek na si Neilmar Sinepete, 24 ng Phase 7-B, Block 1, Lot 18, Package 3, Brgy. 176, Bagong Silang.
Ayon kay NPD District Anti- Carnapping Unit (DACU) chief P/ Maj. Jessie Misal, unang i- nireport sa kanila ng mga biktimang si Rose Marie Busa, 23, at Jeno Ponce, 28, fast food crew, kasama ang kanilang mga saksi ang pagkawala ng kanilang mga motorsiklo habang nakaparada sa labas ng kanilang bahay.
Nakipag-ugnayan ang mga operatiba ng NPD-DACU sa Caloocan Police Sub-Station 9 at Sub-Station 13 at sa isinagawang imbestigasyon ay nakilala ang suspek kaya’t kaagad itong pinuntahan ng mga pulis sa kanyang bahay.
Pagdating sa naturang lugar, namataan ni Busa ang kanyang motorsiklo subalit nang mapansin ng suspek ang presensya ng mga operatiba ay agad itong tumakas papasok sa kanilang compound na naging dahilan upang magkaroon ng hot-pursuit operation hanggang sa makorner si Sinepete.
Narekober ng mga pulis ang tatlong nakaw na motorsiklo kabilang ang motorsiklo ni Busa at Ponce habang inaalam pa ang pagkakilanlan ng dalawang kasabwat umano ng suspek.
Mahaharap ang suspek sa kasong paglabag sa Republic Act No. 10883 (New Anti- Carnapping Law of 2016). (Richard Mesa)
-
Japanese tennis star Osaka umangat ang WTA ranking
Umangat ang WTA ranking ni Japanese tennis star Naomi Osaka matapos ang pag-kampeon nito sa Australian Open. Mula sa dating pangatlong puwesto ay nasa pangalawang puwesto na ito isang araw matapos na makuha ang ikaapat na Grand Slam title. Nahigitan ng 23-anyos na si Osaka si Simona Halep na nasa ikatlong […]
-
Tricycle driver isinelda sa P170K shabu sa Valenzuela
SHOOT sa selda ang 45-anyos na tricycle driver na sideline umano ang magbenta ng illegal na droga matapos makuhanan ng mahigit P.1 milyon halaga ng umano’y shabu sa isinagawang buy bust operation ng pulisya sa Valenzuela City, kahapon ng madaling araw. Kinilala ni Valenzuela police chief P/Col. Salvador Destura Jr, ang naarestong suspek […]
-
“MISSION: IMPOSSIBLE – DEAD RECKONING – PART ONE” GOES FULL THROTTLE WITH NEW TRAILER
TIME for a new mission. Mission: Impossible – Dead Reckoning – Part One, starring Tom Cruise, opens across Philippine cinemas July 12. Watch the trailer: YouTube: https://youtu.be/iIMqgt3dSCE Facebook: https://fb.watch/kAyQYt6i2Z/ About Mission: Impossible – Dead Reckoning – Part One Paramount Pictures and Skydance present a Tom Cruise Production a film by Christopher McQuarrie, Tom Cruise in […]