Metro Manila Subway Project 40% complete
- Published on March 2, 2024
- by @peoplesbalita
MAY NAITALANG 40 porsiento overall implementation progress rate ang kauna-unahang underground mass transport na Metro Manila Subway Project ngayon January 2024.
Ito ang pinahayag ng Department of Transportation (DOTr) ng magkaron ng onsite na inspeksyon sa Metro Manila Subway Project (MMSP) kasama si Finance secretary Ralph Recto at Japan International Cooperation Agency (JICA) chief representative to the Philippines Takema Sakamoto.
“We have shown to Secretary Ralph Rector the ongoing development and briefing on what the project is all about, and with the support of JICA we are implementing this project on time for completion in 2029,” wika ni DOTr Secretary Jaime Bautista.
Ang nasabing proyekto ay may pondong galing sa dalawang aktibong kasunduan at inaasahang magkakaron ito ng third tranche loan na nagkakahalaga ng Y150 billion ngayon March 2024.
Kasama sa proyekto ang pagtatayo ng depot at ang 33-kilometer railway line na may 17 estasyon na siyang magdudugtong sa lungsod ng Valenzuela at Pasay na may spur line sa Terminal 3 ng Ninoy Aquino International Airport (NAIA) sa lungsod ng Paranaque.
Sa pamamagitan ng proyektong ito at ayon na rin sa mga opisyal ng pamahalaan, ang oras ng paglalakbay mula sa lungsod ng Valenzuela hanggang NAIA 1 ay magiging 35 minuto na lamang mula sa dating 1 oras at 30 minuto na paglalakbay. Tinatayang makapagbibigay ito ng serbisyo sa mahigit na 519,000 na pasahero kada araw.
Ayon kay Bautista ay sila sa ngayon ay nakikipagusap sa National Economic and Development Authority (NEDA) at Department of Finance (DOF) upang repasuhin ang mga draft na dokumento na may kinalaman sa nasabing loan deal na ibibigay ng JICA at ng bansang Japan.
“With the support of JICA, we are implementing this project on time for completion in 2029,” saad ni Bautista.
Suportado naman ni Recto ang nasabing proyekto upang masiguro na ang MMSP ay matatapos sa tamang panahon habang ang DOTr ay tinutuonan ng pansin ang issue sa right-of-way.
Matatandaan na ang MMSP ay nag resume ng actual na konstruksyon noong January 2023 matapos maresolba ang right-of-way issues sa mga may-ari ng lupa na ayaw pumayag na ibenta ang lupa sa pamahalaan.
“The Department of Finance is fully committed to securing the funding for this project. We aim to finalize the loan agreement for the 3rd tranche of financing by this March 2024,” dagdag ni Recto. LASACMAR
-
Repasuhin ang Philippines-Japan Economic Agreement (PJEPA), apela ni Speaker Romualdez
UMAPELA si Speaker Ferdinand Martin Romualdez na repasuhin ang Philippines-Japan Economic Agreement (PJEPA) upang mabawasan, kung hindi man tuluyang maaalis, ang taripa na ipinapataw sa produktong agrikultural ng Pilipinas na ibinebenta sa Japan. Ginawa ng lider ng Kamara ang apela sa kanyang pakikipagpulong sa mga mambabatas ng Japan na bahagi ng Philippines-Japan Parliamentarians’ […]
-
Carrasco panauhin sa 2021 Sports Summit
Si Asian Regional Representative at Philippine Olympic Committee (POC) Technical Commission chairman Tom Carrasco ang magiging panauhin bukas ng Philippine Sports Commission (PSC) para sa ika-12 sesyon ng National Sports Summit 2021. Tatalakayin ni Carrasco, ang pangulo ng Southeast Asian Triathlon (SAT) at Triathlon Association of the Philippines (TRAP), ang ‘Main Support System […]
-
Fernando, nilinaw ang usapin sa NFEx
LUNGSOD NG MALOLOS– “Saan man at kailanman, wala sa pagkatao ni Daniel Fernando ang magbebenta ng karapatan ng kaniyang kalalawigan, lalo na nang maliliit at walang tinig sa lipunan.” Ito ang binitawang pahayag ni Gobernador Daniel R. Fernando sa ginanap na Joint Forum with Selected Legislators and Executives of the Provincial Government of […]