Mga atleta ng National Team, hindi nakatatanggap ng sapat na financial support
- Published on July 29, 2021
- by @peoplesbalita
INAMIN ng Malakanyang na hindi nakatatanggap ng sapat na financial support ang mga atleta ng national team.
Inamin ni Presidential Spokesperson Harry Roque ang bagay na ito matapos na manalo si Hidilyn Diaz nang kauna-unahang Olympic gold medal sa weightlifting 55 kilogram division sa Tokyo, Japan.
“Kulang po talaga, parang minimum wage nga lang po ang allowance ng ating mga atleta. Titingnan natin kung paano mababago ito,” ayon kay Sec. Roque.
“Titingnan natin paano maitataas ang nakukuha nilang allowance at iba pang benepisyo as members of national team. Kung napakaliit at kulang ay nanalo pa rin, mas marami ng mananalo ng ginto kung maibibigay natin ang sapat na benepisyo,” dagdag na pahayag nito.
Matatandaang noong June 2019, humingi ng financial assistance si Hidilyn mula sa private sector para sa kanyang Olympic gold medal bid.
Sinabi ni Hidilyn na ang paghingi ng tulong pinansyal sa labas ng pamahalaan ay nakahihiya subalit kailangan niyang gawin para sa kanyang layunin na masungkit ang Olympic gold medal.
Samantala, tiniyak naman ni Sec. Roque sa publiko na makukuha ni Hidilyn ang mga bagay na deserves nito gaya ng P33 million reward na na-secure nito matapos manalo ng first Olympic gold medal simula nang sumali ang bansa Olympiad noong 1924.
“Kung anuman ang kakulangan sa training, I am sure mababawi sa generosity ng pamahalaan at ng private sector because she truly deserves it and made us proud,” ayon kay Sec. Roque.
“Ang tagumpay ni Hidilyn ay tagumpay ng lahat ng Pilipino,” dagdag na pahayag nito. (Daris Jose)
-
LALAKI, NAIPIT NG SASAKYAN HABANG NAGKAKABIT NG GPS
NASAWI ang isang 32-anyos na lalaki nang naipit ng isang tractor head nang paandarin ng driver nito habang nagkakabit ng GPS sa likuran ng kasunurang tractor head sa Port Arae, Manila Huwebes ng umaga. Naisugod pa sa Philippine General Hospital ang biktimang si Jay Mark Kee ng 118 Unit 8 Gen Tinio St. […]
-
Sangkot sa notorious na ‘5-6’ lending business, arestado
Muling nagbabala ang Bureau of Immigration (BI) sa mga illegal alien sa bansa kasunod ng pagkakahuli ng limang Indian nationals na iligal na naninirahan sa bansa. Sinabi ni Immigration Commissioner Jaime Morente na ang mga banyaga ay naaresto sa Davao City sa isinagawang operasyon ng mga operatiba ng BI Intelligence Division Mindanao Task Group […]
-
CASTMATES AND FELLOW FILMMAKERS RAVE ABOUT DEV PATEL IN HIS DIRECTORIAL DEBUT “MONKEY MAN”
Oscar® nominee Dev Patel (“Lion,” ”Slumdog Millionaire”) achieves an astonishing, tour-de-force feature directing debut with an action thriller about one man’s quest for vengeance against the corrupt leaders who murdered his mother and continue to systemically victimize the poor and powerless, in “Monkey Man.” Watch the trailer: https://youtu.be/L-Sc3Hzw_a4?si=gFIOLaZR4o3j5cvb The film, certified Fresh on review aggregator Rotten Tomatoes, has been […]