Mga Pinoy na nasa death row, tulungan matapos ibasura ng Malaysia ang mandatory death penalty
- Published on April 10, 2023
- by @peoplesbalita
Nanawagan ang isang mambabatas sa Departments of Foreign Affairs (DFA) at Migrant workers (DMW) na tulungan ang mga Pilipino na nasa death row sa Malaysia.
Ang apela ay ginawa ni Kabayan Partylist Rep. Ron Salo matapos na pagbotohan ng Malaysian government nitong Lunes (April 3, 2023) ang pagtanggal ng mandatory death penalty sa ilang opensa na magbibigay sa mga hukom na magdesisyon kung ipapataw o hindi ang nasabing capital punishment.
“This is certainly a welcome development, especially for our kababayans on death row in Malaysia who may have a justifiably legal cause to receive a much lesser penalty,” ani Salo.
Sinabi ng mambabatas na binigyan din nito ng pag-asa na mairerekonsidera ang maraming kaso at maibaba ang parusa.
Matatandaan sa isinagawang mga pagdinig sa kamara, inihayag ng ilang opisyal ng Department of Foreign Affairs (DFA) na nasa 83 overseas Filipinos ang nahatulan ng parusang kamatayan sa iba’t ibang kaso, 56 nito ay pawang nasa Malaysia.
Ayon sa bagong lehislasyon, ang mga nahatulan ng death penalty o life imprisonment ay maaaring humingi ng rebyu sa kanilang hatol.
Karamihan aniya ng mga kaso ay nasa final at executor na. Kung wala ang nasabing pagbabago ay tanging presidential pardon mula sa Malaysian government ang natitirang tanging paraan.
Hinikayat pa ng mambabatas ang DFA at DMW na agad magbigay ng lahat ng kinakailangang legal assistance sa mga overseas Filipinos na ansa death row sa Malaysia upang ma-rebyu ang kanilang hatol. (Ara Romero)
-
LTO, nagpaliwanag kaugnay ng malapit nang maubos na driver license card
NAGPALIWANAG ang pamunuan ng Land Transportation Office kaugnay ng nagkakaubusang drivers license card para sa mga kumukuha ng lisensya. Ayon sa kay Land Transportation Office Chief Jay Art Tugade, hindi na hawak ng kanilang ahensya ang procurement nitong license card. Sa bisa ng special order ng Department of Transportation nitong January, […]
-
Ilang Cabinet, PSG members nauna na sa bakuna
Kinumpirma ni Department of the Interior and Local Government (DILG) Secretary Eduardo Año na ilang miyembro ng Gabinete at Presidential Security Group (PSG) ang nabakunahan na laban sa COVID-19. Ito’y kahit pa sinabi na ng Food and Drugs Administration (FDA) na wala pa silang COVID-19 vaccine na inaaprubahan sa Pilipinas. Gayunman, tumanggi si […]
-
PBBM, itinalaga si Isidro Purisima bilang acting Presidential Peace, Reconciliation, and Unity adviser
PATULOY ang ginagawang pagpupunan ni Pangulong Ferdinand Marcos Jr. sa mga bakanteng posisyon sa gobyerno. Sa katunayan, itinalaga nito si Isidro Purisima bilang acting Presidential Adviser on Peace, Reconciliation and Unity (PAPRU). Magiging acting head siya ng OPAPRU o Office of the Presidential Adviser on Peace, Reconciliation and Unity, dating Office […]