• May 15, 2025
  • Ang Diyaryong Pinagkakatiwalaan

Mga sundalong kabahagi ng IATF, kuwalipikado at alam ang kanilang ginagawa sa Task Force -Malakanyang

TODO-depensa ang Malakanyang sa pagtatalaga ni Pangulong Rodrigo Roa Duterte ng mga sundalo para sa mahalagang papel na ginagampanan ng mga ito sa Inter-Agency Task Force (IATF).

 

Muli kasing inulan ng pamumuna at pagkuwestiyon ang pamahalaan kung bakit mga militar ang nilalagay sa Task Force.

 

Ayon kay Presidential Spokesperson Harry Roque, hindi lamang war hero gaya ni vaccine czar Secretary Carlito Galvez Jr. ang kuwalipikasyon ng mga itinatalaga sa IATF.

 

“Now mayroon din pong pumupula, bakit kasi sundalo ang ina-appoint dito sa IATF. Well, wala naman na-appoint sa IATF outside of iyong mga secretaries at mga namumuno ng opisina. Totoo po maraming mga military pero isang dahilan po kung bakit nagtitiwala ang ating Presidente eh dahil magaling po sa logistics ang ating mga military,” ayon kay Sec. Roque.

 

Sa kagaya aniya ni Galvez ay inihayag ni Roque na may kaalaman ito sa aspeto ng losgistics na nagagamit nito ngayon sa pag-aangkat ng mga bakuna.

 

Inihayag naman ni Galvez na may degree siya sa Project Management Major on System Modeling and Project Scheduling.

 

“Ang degree po namin ay sa ano po, sa Project Management Major on System Modeling at saka sa tinatawag nating Project Scheduling, iyon po ang Project Management,” ani Galvez.

 

Giit ni Galvez na nag- specialize siya sa leadership at system modeling na ayon naman kay Roque ay isang patunay na kuwalipikado ang mga sundalong itinatalaga sa Task Force at kanilang ini- aaplay ngayon ang kanilang kasanayan sa pag- angkat ng bakuna.

 

“Bale po iyan almost 18 months po iyan. Ang in-specialize ko po is sa leadership at saka po iyong system modeling, iyong modeling po ginagawa natin mga simulation, paano kukuha ng empirical data at saka iyong tinatawag nating, kino-compute po natin, iyong tinatawag na difference, iyong tinatawag nating how we will maximize iyong resources and minimize the time over output; iyon po ang pina-specialize po namin, systematic,” ayon kay Galvez.

 

“Importante pong malaman ng taumbayan iyan dahil hindi din nila alam na kaya kayo itilaga ng Presidente hindi lang dahil kayo ay war hero, kung hindi mayroon po talaga kayong advanced training doon sa isang field na kinakailangan pagdating sa logistics, pag-aangkat ng ating mga bakuna,” sundot na pahayag naman ni Sec. Roque. (Daris Jose)

Other News
  • Maraming natutuwa na naka-move on na: JAK, kinakiligan sa viral dance video nila ni JACKIE

    MARAMI ang natuwa na nakaka-move on na si Jak Roberto. Marami ang kinilig sa viral dance video nila ni Jackie Gonzaga noong mag-guest si Jak sa ‘It’s Showtime.’ Sa viral video ay mapapanood na sumasayaw sila habang tumutugtog ang Earth, Wind & Fire classic na “Let’s Groove.” Meron na itong 13.4 million views. Sa comments […]

  • Boxing legend Oscar De la Hoya nakalabas na sa pagamutan matapos dapuan ng COVID-19

    Nakalabas na sa pagamutan si boxing legend Oscar De la Hoya matapos na magpositibo ito sa COVID-19.     Sa kaniyang social media account, nag-post ito ng video sa kaniyang pinagdaanan.     Sinabi nito na tatlong araw siyang nanatili sa pagamutan matapos na tamaan siya ng nasabing virus.     Nasa magandang kalusugan na […]

  • Bilang kandidato sa pagka-Senador… Willie Ong, nag-withdraw na sa kandidatura

    OPISYAL nang nag-withdraw si Dr.Willie Ong sa kanyang Senate bid para sa 2025 national elections sa Mayo. Sa pamamagitan ng kanyang maybahay na si Doc. Liza Ong, isinumite ang kanyang statement of withdrawal  Biyernes ng umaga sa tanggapan ng Commission on Elections sa Palacio del Gobernador sa Intramuros, Manila.   Sa kanyang Facebook post noong Pebrero […]