• April 15, 2024
  • Ang Diyaryong Pinagkakatiwalaan

Mga tinaguriang “new poor” na nalilikha ng epekto ng pandemya, maaaring manggaling sa mga OFW at nasa industriya ng turismo-Malakanyang

PARA sa Malakanyang, ang turismo at mga OFW ang sektor na pinakamatinding tinamaan ng pandemya dito sa bansa.

 

Sinabi ni Presidential spokesperson Harry Roque, posibleng magmula sa nasabing sektor ang sinasabi ng World Bank na tinaguriang new poor o ang mga dati nang nakabangon sa kahirapan at maaaring muling magbalik sa kahirapan dahil sa COVID-19 shock.

 

Nakalulungkot ani Sec. Roque ang nabanggit na katotohanan subalit pilit naman aniyang gumagawa ng paraan ang pamahalaan para agapan ang lalo pang pagkakalugmok ng mga nasa turismo at mga kababayan nating nagtatrabaho sa ibang bansa.

 

Sa katunayan, isa na aniya rito ang paraan na unti-unting pagbubukas ng turismo gaya ng pagbubukas na uli ng isla ng Boracay at siyudad ng Baguio simula ngayong araw na ito.

 

Bukod pa sa nandiyan din ang TESDA, Agriculture Department at DTI na hindi lang nagpapautang sa mga OFWs na napauwi kundi nagbibigay din ng suporta sinusuportahan din po natin sila na para magkaroon ng alternatibong hanapbuhay. (Bishop Jesus “Jemba” M. Basco)

Other News
  • Kailangang i-confine para sa medical assessment: KRIS, humihingi ng matinding panalangin para sa kanya at kay BIMBY

    SA Instagram official fanpage account na @KrisAquinoWorld, nag-post ang Queen of All Media na si Kris Aquino tungkol sa in-upload na litrato nila ni Batangas Vice Governor Mark Leviste, kasama rin sina Joshua at Bimby, nang dalawin sila sa Amerika.     Mukhang hindi na-inform si Kris na ia-upload ito sa social media, pero na-appreciate […]

  • Pilipinas magpapadala ng 814 atleta para sa 32nd SEA Games sa Cambodia

    AABOT sa 814 na atleta ang ipapadala ng bansa para sa pagsabak sa 32nd Southeast Asian Games sa susunod na taon sa Cambodia.     Ito ang napagpasyahan sa dalawang consultative meeting ng national sports associations.     Mayroong 49 sports ang lalaro sa Cambodia na magsisimula mula Mayo 5 hanggang Mayo 15.     […]

  • Tuparin ang pangakong P20 na presyo ng bigas, hamon ng KMP

    HINAMON ng Kilusang Magbubukid ng Pilipinas (KMP) si presumptive president Ferdinand “Bongbong” Marcos Jr. na tuparin ang pangakong P20 na presyo ng bigas.     Nangangamba ang KMP na baka kasama ito sa mga mga “imposibleng pangako” ni Marcos Jr kaya dapat ihayag ng presumptive president kung paano niya ito gagawin at ano ang malinaw […]