Minimum wage sa NCR ‘di na sapat, regional wage boards kailangang mag-review na – Sec. Bello
- Published on March 11, 2022
- by @peoplesbalita
NANINIWALA si Labor Secretary Silvestre Bello III na posibleng hindi na sumasapat ang minimum wage sa National Capital Region (NCR) para sa mga manggagawa at sa kanilang pamilya dahil sa mahal ng presyo sa mga produktong petrolyo at iba pang bilihin.
Inihalimbawa ni Bello ang kasalukuyang daily minimum wage sa National Capital Region na nasa P537 ay hindi aniya sapat para sa presyo ng mga pangunahing bilihin gaya ng pagkain gayundin sa iba pang gastusin sa bill ng kuryente at tubig.
Sa isang statement, inatasan ng kalihim ang Regional Tripartite Wages and Productivity Boards (RTWPB) sa buong bansa na paspasan ang pag-review sa minimum wages.
Kumpiyansa ang Labor chief na maisusumite ng board ang kanilang rekomendasyon bago matapos ang buwan ng Abril.
Aminado naman ang kalihim na malaking hamon ang pagtatakda at adjustment ng angkop na antas ng minimum wage kayat mahalaga ang pagbalanse dito.
Nauna ng nakatanggap ng mga petisyon ang RTWPB hinggil sa minimum wage increase, isa dito ang panawagang pagkakaroon ng tinatawag na uniform increase ng P750 bilang minimum wage sa buong bansa.
-
Pasok suspendido sa gov’t offices, eskwela sa NCR, 6 lalawigan dahil kay ‘Florita’
SUSPENDIDO na ang pasok sa lahat ng pampublikong paaralan at tanggapan ng gobyerno sa National Capital Region (NCR) at anim pang probinsya mula ngayon hanggang ika-24 ng Agosto dahil sa epekto ng Severe Tropical Storm “Florita” at Habagat. Nag-ugat ito sa mungkahi ng National National Disaster Risk Reduction and Management Council (NDRRMC) kay […]
-
Zamboangueña teen weightlifter nasungkit ang 2 gold, 1 silver sa World Youth Weightlifting Championship sa Mexico
NASUNGKIT ng Zamboangueña teen weightlifter na si Rose Jean Ramos ang 2 gold at 1 silver medal sa isinagawang World Youth Weightlifting Championship 2022 na ginanap sa bansang Mexico. Si Rose Jean ay 16 years old at residente ng Barangay Mampang sa Zamboanga City. Ang World Youth Weightlifting Championship ay isang […]
-
Isiniwalat ang ‘modus’ para maging babala: ARCI, nanakawan ng credit card sa loob ng eroplano
SA pamamagitan ng kanyang TikTok account, ikinuwento ni Arci Muñoz ang kanyang nakatatakot na karanasan sa loob ng eroplanong sinakyan pabalik ng Pilipinas. Nilagyan niya ito ng title na, ‘Horror Story in the Sky.’ “Hi, let me tell you a story about the experience I had going back home from Japan,” […]