Miss Mexico ANDREA MEZA, kinoronahang ‘Miss Universe 2020’; RABIYA, umabot lang sa Top 21

SI Miss Mexico Andrea Meza ang nagwaging Miss Universe 2020.

Siya ang pangatlong Mexican beauty queen na manalo after Lupita Jones (1991) and Ximena Navarrete (2010).

Born on August 13, 1994 in Chihuahua City, nagtapos ito ng software engineering noong 2017 sa Autonomous University of Chihuahua.

Lumaban na noon si Andrea sa Miss World 2017 at naging first runner-up siya.

First runner-up naman sa Miss Universe 2020 si Miss Brazil Julia Gama; second runner-up si Miss Peru Janick Maseta; third runner-up si Miss Miss India Adline Castelino; fourth runner-up si Miss Dominican Republic Kimberly Jimenez.

Nanalo sa best in National Costume ay si Miss Myanmar Thuzar Wint Lwin. Impact Award si Miss Bolivia Lenka Nemer at Carnival Spirit Award si Miss Domincan Republic Kimberly Jimenez. 

Nalungkot naman ang buong Pilipinas dahil nabigong maiuwi ni Rabiya Mateo ang Miss Universe crown.

Umabot lang hanggang sa Top 21 si Rabiya at nagpakitang gilas siya sa pagrampa sa swimsuit competition.

Pero naligwak sa Top 10 si Rabiya na na-dominate ng Latina beauties mula sa bansang Mexico, Brazil, Peru, Dominican Republic, Puerto Rico, Costa Rica at Colombia. Dalawang Asian beauties lang ang pumasok from India and Thailand.

Bigo man ay nakatanggap ng maraming mensahe ng pagmamahal at suporta si Rabiya mula sa social media. Kabilang na ang past Miss Universe winners na sina Pia Wurtzbach at Catriona Gray.

“Rabiya, we love you. Thank you for pouring your heart for the Philippines,” tweet ni Pia.

“She made our country proud!” The Miss Universe 2018 said and added, “11-year consecutive semi-streak Pilipinassss,” tweet ni Catriona.

***

DAHIL sa husay niya bilang kontrabida sa Babawiin Ko Ang Lahat, nais nang sundan ni Liezel Lopez ang yapak ng paborito niyang kontrabida na si Cherie Gil.

Hindi raw inaasahan nj Liezel na mapapansin ang pagiging kontrabida niya. Bumagay daw kasi sa kanya kaya ito na raw ang gusto niyang gawin.

“Nakakatuwa po na makatanggap ng mga messages sa social media na gusto nila ang pag-api ko kay Pauline (Mendoza). Meron din na galit na galit sa akin. Pero okey lang po yon kasi umaarte lang po kami, pero may mga affected kaya nakakatuwa lang basahin,” tawa ni Liezel.

Naging maingat daw si Liezel sa mga catfight nila ni Pauline sa teleserye. Sinasabihan niya raw si Pauline kung ano ang gagawin niya para hindi ito masaktan.

“There was one scene na sobrang nadala kami ni Pau. Ang nangyari ay nabasag namin ang mamahaling lampshade sa kuwarto kunsaan kami nag-shoot. Hiyang–hiya kami ni Pau at sobra kaming nag-sorry sa nangyari. Since then, naging maingat na kami ni Pau. We make sure na wala kaming mababasag ulit.”

***

UMANI nang higit sa 19 million views ang teaser clip na pinost ni Jennifer Aniston ng reunion special nila ng buong cast of Friends.

Caption ni Jen: “It’s official! The #FriendsReunion premieres May 27th on @HBOMax — could we BE any more excited?!”

Pinapakita in slow motion ang Friends cast na naglalakad sa studio lot kunsaan sila nagsu-shoot. Ang episode title ng kanilang reunion ay “The One They Get Back Together”.

Natupad din ang promise ng Friends cast, na binubuo nila Jennifer Aniston, Courteney Cox, Lisa Kudrow, Matthew Perry, Matt LeBlanc and David Schwimmer, ang promise nila na reunion after 16 years.

Dapat ay noong May 2020 naganap ang pinakahihintay na reunion, pero biglang na-stop ang production dahil sa COVID-19 pandemic.

Natuloy ang filming ng reunion noong March 2021.

(RUEL J. MENDOZA)