Mister timbog sa baril at P578K shabu sa Caloocan
- Published on July 12, 2021
- by @peoplesbalita
REHAS na bakal ang kinasadlakan ng isang hinihinalang tulak ng illegal na dorga matapos makuhanan ng baril at mahigit P.5 milyon halaga ng hinihinalang shabu sa buy bust operation ng pulisya sa Caloocan city, kahapon ng madaling araw.
Kinilala ni Caloocan police chief Col. Samuel Mina Jr, ang naarestong suspek na si Fahad Pagayawan, 20, (Pusher) ng Riverside, Phase 12, Brgy. 188, Tala.
Sa report ni Col. Mina kay Northern Police District (NPD) Director PBGEN Jose Hidalgo Jr, nakatanggap ang mga operatiba ng Station Drug Enforcement Unit (SDEU) mula sa isang regular confidential informant hinggil sa umano’y illegal drug activity ni Pagayawan kaya isinailalim ito sa isang linggong validation.
Nang makumpirma ang ulat, isinagawa ng mga operatiba ng SDEU sa pangunguna ni PMAJ Deo Cabildo, kasama ang 6th MFC RMFB-NCRPO ng buy bust operation sa kahabaan ng Sta. Rita, Brgy. 188 na nagresulta sa pagkakaresto kay sa suspek matapos bentahan ng P9,500 halaga ng shabu ang isang undercover police na nagpanggap na poseur-buyer.
Nakumpiska kay Pagayawan ang tinatayang nasa 85 grams ng hinihinalang shabu na may standard drug price P578,000. 00, buy bust money na isang tunay na P500 bill at 9 pirasong P1000 boodle money, cal. 45 pistol at isang magazine na kargado ng anim na bala.
Kasong paglabag sa RA 9165 at RA 10591 ang isinampa ng pulisya kontra sa naarestong suspek sa Caloocan City Prosecutors. (Richard Mesa)
-
Sa lapses sa imbestigasyon ng pumanaw na ama: JANNO, humihingi ng public apology at ‘di na magsasampa ng kaso
NAGLABAS na ng official statement ang singer-actor na si Janno Gibbs tungkol sa pagkalat ng unauthorized and sensitive video ng imbestigasyon ng pulisya sa pagpanaw ng ama na si Ronaldo Valdez noong December 17, 2023. Labis na ikinabigla ng kanilang pamilya ang pagpanaw ng beteranong aktor. Pero mas lalo raw nalungkot sina Janno […]
-
Quarantine wristbands inilunsad vs COVID-19
Naniniwala ang Caloocan City government na malaking tulong ang paggamit ng quarantine wristbands simula ngayong Lunes para sa monitoring ng mga naging close contact ng mga pasyenteng may COViD-19. Ayon kay Caloocan COViD-19 Command Center head Sikini Labastilla, ang paglulunsad ng quarantine wristband ay bunsod na rin ng pagsuway ng ilang close contact sa […]
-
Utang ng Pilipinas ‘record-high’ na naman sa P13.64 trilyon nitong Oktubre
TUMUNTONG na sa P13.64 trilyon ang “outstanding debt” ng gobyerno ng Pilipinas sa pagtatapos ng Oktubre 2022, bagay na nangyayari sa gitna ng 14-year high inflation rate at kontrobersyal na panukalang Maharlika Wealth Fund. Ito ang ibinalita ng Bureau of Treasury, Miyerkules, matapos madagdagan ng P124.92 bilyon ang halagang hiniram ng gobyerno. Nasa 0.92% pag-akyat […]