MRT-3, nakapagsilbi sa higit 281K pasahero
- Published on March 31, 2022
- by @peoplesbalita
INIULAT ng pamunuan ng Metro Rail Transit Line 3 (MRT-3) na umaabot sa kabuuang 281,507 ang mga pasaherong kanilang napagserbisyuhan sa unang araw ng implementasyon ng kanilang isang buwang libreng sakay program nitong Lunes, Marso 28.
Ayon sa MRT-3, ito na ang pinakamataas na bilang ng mga commuters na sumakay ng tren simula nang magbalik-operasyon ito noong Hunyo 1, 2020.
Anila, resulta ito nang pagpapatupad ng libreng sakay sa MRT-3 at pagpapatakbo ng 18 unit ng 3-car CKD train set, dalawang 4-car CKD train set at isang Dalian train set sa mainline.
Nasa 18 hanggang 21 naman ang average train sets na napapatakbo ng MRT-3 sa main line.
Pinataas din umano nila ang passenger capacity ng bawat tren na kayang makapagsakay ng 1,576 na pasahero kada train set, at mayroong 394 na pasahero kada train car.
Matatandaan na nasa 250,000 hanggang 300,000 mga pasahero ang sumasakay sa MRT-3 kada araw bago magsimula ang pandemya noong Marso 2020.
Sinimulan namang patakbuhin sa bilis na 60kph ang mga tren ng linya noong Disyembre 7, 2020 at nabawasan din ang average headway o oras sa pagitan ng mga tren mula 8.5-9 na minuto sa 20 tren, pababa ng 3.5-4 minuto.
Una nang ipinag-utos nina Pang. Rodrigo Duterte at Transportation Secretary Arthur Tugade ang pagkakaloob ng isang buwang libreng sakay sa MRT-3 matapos na makumpleto na ang isinagawang rehabilitasyon sa rail line. (Gene Adsuara)
-
Balitang nakaranas ng mild heart attack si Pangulong Duterte, fake news -PCOO
FAKE NEWS ang sigaw ni Presidential Communications Operation Office (PCOO) Secretary Martin Andanar sa kumalat na balitang dumaan sa mild heart attack si Pangulong Rodrigo Roa Duterte. Sa post ni Sec. Andanar sa kanyang Facebook account ay ipinakita nito ang isang screen shot ng nagpakilalang Maharlika.TV na nagsabing …. “Breaking News: Sources say Duterte […]
-
HEART, negative sa COVID-19 pero dumaraan naman sa matinding anxiety na epekto ng quarantine
NASA bansa na si Heart Evangelista at bilang pagsunod sa protocol, kailangan nitong mag-quarantine ng sampung araw. Wala raw siyang COVID-19 pero, dumadaan daw si Heart sa matinding anxiety dahil hindi raw talaga niya kinakaya ‘yung nakakulong lang siya sa isang lugar at mag-isa ng matagal. Isa rin daw ito sa dahilan kung bakit […]
-
Onyok bibigyan ng Malacañang ng P500K
Kung hindi pa siya naglabas ng sama ng loob ay saka pa lamang maaaksyunan ang kanyang reklamo. Bibigyan ng Office of the President si 1996 Olympic Games silver medalist Mansueto ‘Onyok’ Velasco Jr. ng cash incentive na P500,000 para sa kanyang naibigay na karangalan sa bansa. Si Senate Committee on Sports […]