MVP susuporta sa FIVB World Championship
- Published on August 28, 2024
- by @peoplesbalita
BUHOS ang suporta ni sports patron Manny V. Pangilinan (MVP) upang maging matagumpay ang pagdaraos ng prestihiyosong FIVB Volleyball Men World Championship sa Setyembre 12 hanggang 28 sa susunod na taon.
Inihayag ni Pangilinan ang buong suporta nito sa isang meeting na ginanap sa PLDT office sa Makati City kasama sina Philippine National Volleyball Federation (PNVF) president Ramon “Tats” Suzara, MVP Sports Foundation president Al. Panlilio at PLDT Business Transformation Group Head Ricky Vargas.
“Mr. MVP has once again brought the meaning of sports patron to a superlative level. With Mr. MVP’s commitment, the Local Organizing Committee [LOC) will be shifting to a higher gear preparations for the world championship which is a little over a year away,” ani Suzara.
Mas lalong tumataas ang kumpiyansa ng Alas Pilipinas na maganda ang inilalaro sa international tournaments.
Kabilang na rito ang dalawang sunod na bronze-medal finish sa Southeast Asia Men’s V.League na ginanap sa Manila at Indonesia.
“Those bronze medals are already milestones for Philippine men’s volleyball in Southeast Asia. The program is working and we are confident that Alas Pilipinas will make an impact in the world championship,” dagdag ni Suzara.
Sa FIVB MWCH 2025, may 32 matitikas na koponan mula sa iba’t ibang panig ng mundo ang magbabakbakan sa Smart Araneta Coliseum sa Quezon City at Mall of Asia Arena sa Pasay City.
Idaraos ang draw sa Setyembre 14 na susundan ng friendly matches sa pagitan ng dalawang Japanese club teams at Alas Pilipinas Men at Women squads sa Setyembre 7 at 8 na gaganapin sa PhilSports Arena sa Pasig City.
“We are all excited about this historic hosting because Filipino fans will get the opportunity to witness elite volleyball action from 32 teams,” ani Suzara.
Kasama si Pangilinan sa FIVB MWCH LOC Board na co-chaired nina Presidential son William Vincent “Vinny” Araneta Marcos, Senator Alan Peter Cayetano at Department of Tourism Secretary Christina Garcia Frasco.
Nasa LOC Board din sina Senator Pia Cayetano, Philippine Olympic Committee president Abraham “Bambol” Tolentino at Philippine Sports Commission chairman Richard Bachmann.
-
Semis duel ng Cool Smashers at Flying Titans inaabangan
NAKASENTRO ang atensyon ng lahat sa bakbakan ng Creamline at Choco Mucho sa pagsisimula ng semifinals ng Premier Volleyball League (PVL) Open Conference bukas sa The Arena sa San Juan City. Ang Cool Smashers at Flying Titans ang dalawa sa may pinakamaraming fans sa liga kaya’t asahan na ang blockbuster venue sa Game […]
-
NCR Plus nasa GCQ pa rin simula Hulyo
Muling palalawigin ang General Community Quarantine (GCQ) sa Metro Manila at ilang probinsyang katabi nito sa susunod na buwan habang patuloy na nananalasa ang coronavirus disease (COVID-19) sa Pilipinas. Inanunsyo ng Inter-Agency Task Force for the Management of Emerging Infectious Diseases (IATF-EID) ang mga rekomendasyon para sa panibagong quarantine classifications sa lingguhang Talk to the People […]
-
Cartel sa sugar industry buwagin, parusahan sangkot na opisyal, hamon kay BBM
HINAMON ng Unyon ng mga Manggagawa sa Agrikultura (UMA) si Presidente Bongbong Marcos na buwagin ang cartel sa sugar industry at parusahan ang mga opisyal ng gobyerno na sangkot dito, lalo na ang mga nasa Sugar Regulatory Administration (SRA) at Department of Agriculture (DA). Ito ang tugon ng grupo sa pahayag ng pangulo […]