• July 3, 2024
  • Search in People's Balita

  • Ang Diyaryong Pinagkakatiwalaan

 

NAIA flights tigil muna dahil sa technical issues – Civil Aviation Authority of the Philippines

KINUMPIRMA ni Civil Aviation Authority of the Philippines (CAAP) Spokesperson Eric Apolonio, na suspendido ngayon ang mga flights sa Ninoy Aquino International Airport (NAIA) dahil may mga tinutugunang technical issues kaugnay ng napabalitang mga naantalang biyahe ng eroplano ngayong araw.
Batay sa report nagkaroon ng problema ang air navigation facilities ng CAAP.
Dahil dito, ang CAAP ay nagpapatupad na mga emergency protocol upang matugunan ang sitwasyon upang makapagpatuloy ang mga operasyon ng paglipad sa lalong madaling panahon.
Humihingi naman ng paumanhin ang Manila International Airport Authority (MIAA) sa mga pagkaantala na mangyayari dahil sa sitwasyon.
Siniguro ng pamunuan ng MIAA na kanila ng pinagana ang Crisis Management Team kasama ang ibat-ibang pangunahing ahensya para sa isang multi-discipline na diskarte at matugunan ang ang epekto ng insidente.
Inaasahan na ang mga flight departures at arrivals ay maibabalik sa mga bagong iskedyul.
Pinayuhan na rin ang mga pasahero na maghintay ng anunsiyo mula sa mga airline companies at manatili sa loob ng mga Terminal at lumapit sa pinakamalapit na airline o airport help desk para sa mga update.
Ang MIAA Emergency Response Teams ay inutusang magpatupad ng mga Standard Operating Procedure (SOP) alinsunod sa MIAA Manual on Irregular Operations (MIAA-IROPS).
Sa kabilang dako, ang mga airline operator ay nagpasimula na ng kani-kanilang contingency measures upang mabawasan ang epekto ng sitwasyon sa kanilang mga pasahero.
Ang mga karapatan ng mga pasahero sa ilalim ng Air Passenger Bill of Rights (APBR) ay dapat itaguyod sa ilalim ng mga pangyayari. (Daris Jose)
Other News

  • PEKENG FB ACCOUNT NG FB, BINALAAN

    NAGBABALA  ang National Bureau of Investigation (NBI) sa publiko kaugnay sa pekeng Facebook page ng ahensya  na nag-aalok ng serbisyo ng ahensya.   Sa abiso ng NBI, ang “NBI ONLINE APPOINTMENT 2021” ay hindi  official facebook page ng NBI- Information and Communications technology Division  (NBI-ICTC) o anumang konektadong division o ng NBI.   Ayon pa […]

    read more

  • Rosegie Ramos, Lovely Inan itataas bandila ng Pilipinas sa World lifting

    PILIT na pagliliyabin nina 32nd Hanoi Southeast Asian Games bronze medalist Rosegie Ramos at papangaangat na lifter na si Lovely Inan ang kampanya ng siyam-kataong Team Pilipinas sa International Weightlifting Federation (IWF) World Championships na itinakda simula Disyembre 5 hanggang 16 sa Bogota, Columbia.     Ang 19-anyos na si Ramos ay produkto ng weightlifting […]

    read more

  • “Walk of faith” isasagawa sa Kapistahan ng Poong Hesus Nazareno

    INIHAYAG  ng Minor Basilica of the Black Nazarene o Quiapo Church na magkakaroon ng Walk of Faith sa Enero  2023 bilang bahagi ng kapistahan ng Traslacion ng Nuestro Padre Jesus Nazareno.     Sa panayam ng Radio Veritas kay Quiapo Church Attached Priest Fr. Earl Allyson Valdez, ibinahagi nitong bagamat ipagpaliban ang nakagawiang prusisyon ng […]

    read more
People's Balita.
All rights reserved. © Copyright 2024.