Naiyak at natakot sa ilang misyon sa ‘Running Man PH’: KOKOY, hindi inaasahan na malalasing kasama si ANGEL

LALO pang pinainit ng mga sexy hunks ng Sparkle ang summer sa pamamagitan ng kanilang short video na Boys of Summer.

Pinakanatuwa ay ang mga beki dahil napagsama ng Sparkle ang mga pinapantasya ngayong mga lalake on television. This time ay mga pawisan sila sa paglaro ng basketball.

May kanya-kanya nga raw na paraan ang Boys of Summer para mapanatili ang kanilang six-pack abs at mga firm muscled arms and legs.

Matatawag na Gym Rats or mga mahilig magbabad sa gym para mag-workout sina Kelvin Miranda, Jeff Moses, Vince Maristela, Yasser Marta, Royce Cabrera at Bruce Roeland.

Samantalang sa paglaro ng iba’t ibang sports ang hilig gawin nila Prince Carlos, Raheel Bhyria, Matthew Uy, Radson Flores, Mclaude Guadaña, at Dustin Uy.

Mapapanood naman sa kanya-kanyang mga teleserye ang mga boys tulad sa ‘Black Rider’, ‘Abot-Kamay Na Pangarap,’ ‘Makiling’, ‘Asawa Ng Asawa Ko’ at sa upcoming na ‘Sang’gre’.

***

HANDANG-HANDA na ang cast ng ‘Running Man Philippines’ season two na mapanood ng viewers ang kanilang mga nakakaaliw na misyon sa pagbabalik ng most-watched reality game show on Philippine TV noong 2022.

Bukod sa pagbabahagi ng kanilang experience sa ‘Running Man Philippines’ season two na kinunan sa South Korea during winter, nagkabukingan din ang runners na sina Mikael Daez, Miguel Tanfelix, Kokoy De Santos, at Angel Guardian.

Aminado si Kokoy na naiyak at natakot siya sa ilang misyon dahil takot siya sa heights, tubig, at horror.

Hindi rin niya inaasahan na malalasing siya kasama si Angel Guardian sa isang misyon.

Paliwanag ni Angel: “Sobrang saya no’ng misyon. Hindi po kasi namin in-expect na at one point, iinom kami sa mission tapos hindi namin natapos itong particular mission na ito. Ang ending nalasing kami.”

Kahit riot ang bawat misyon, maganda pa rin daw ang samahan nila, ayon kay Mikael.

Aniya, napamahal na siya sa kanyang kapwa runners. Gayundin si Miguel na bagong pasok sa season two.

Kwento niya, “Sabi sa ‘kin ni Ysabel (Ortega), tuwing kasama ko daw yung runners, sobrang authentic daw ako makitungo sa kanila. Sa iba, kumbaga, careful ako, conscious ako.”

***

FOR the first time in the pageant’s history, gaganapin ng Miss Universe Philippines national costume competition sa Mindanao.

Ayon sa post sa social media: “The Miss Universe Philippines organization announced that this year’s national costume competition, one of the pageant’s most popular segments, will be held at the province of Sultan Kudarat. The competition won’t be the only thing happening during the organization’s first visit to Mindanao, there will be tours, a parade, and charity events scheduled.”

The national costume competition ang latest challenge ng 2024 Miss Universe Philippines delegates. Nagbukas din ang organization ng online voting for the pageant’s swimsuit challenge. Ang mananalo sa online vote ay mag-advance sa semi-finals.

And MUP coronation night ay magaganap on May 22 at the SM Mall of Asia Arena.

Ang current titleholder ng Miss Universe Philippines ay si Michelle Marquez Dee na nakapasok sa Top 10 ng Miss Universe 2023 sa El Salvador.

(RUEL J. MENDOZA)