Nakahahabag ang caption sa IG post: KATRINA, nagluluksa sa pagpanaw ng boyfriend na si JEREMY

PINAGLULUKSA ng Kapuso actress na si Katrina Halili ang pagpanaw ng kanyang boyfriend, ang former Wao, Lanao Del Sur Vice Mayor Jeremy Guiab.

Sa Instagram, pinost ni Katrina ang photo ni Jeremy na may nakahahabag na caption na: “Ang daya mo Love, sabi mo aalagaan mo kami ni Katie. Bakit iniwan mo kami?”

Si Quezon City Councilor Don De Leon ang nag-announce ng pagpanaw ng kanyang “best friend, my brother, my confidant and partner” na si Jeremy on Instagram.

“Jeremy G. Guiab succumbed to a fatal heart attack at around 5:00 PM today. Together with his family, we ask for prayers, for his soul’s eternal rest with our Lord. A precious life gone too soon.”
Jeremy died on January 28 sa edad na 53 after suffering a heart attack in Katrina’s home in Quezon City. Dinala ng aktres si Jeremy sa St. Luke’s Medical Center in Quezon City where he was declared dead.

Last July, inamin ng ‘Black Rider’ star ang tungkol sa kanyang boyfriend na katulong niya sa pag-alaga sa anak na si Katie na may mild autism spectrum disorder (ASD).

Anak ni Katrina si Katie sa singer na si Kris Lawrence.

***

MARAMI ang humahanga kay Direk Laurice Guillen dahil sa edad niya na 76, aktibo pa ito at kaya pang magdirek sa malalayong location.

Tulad na lang sa location ng ‘Asawa Ng Asawa Ko’, sa bundok sila nag-shoot ng karamihan ng mga eksena.

Inamin ng award-winning actress-director na nakaka-challenge ang location nila dahil marami silang kailangan labanan at pagtiyagaan na situwasyon.

“When you are in such a location, you have to deal with the elements. From the weather, minsan mainit tapos biglang uulan ng malakas. Very unpredictable. Then you have to deal with other things like one time may ahas na nakapasok sa tent, yung mga iba’t ibang insekto. All these things makes everyone uncomfortable.

“But we are all there to work professionally and I commend everyone involved in this show dahil walang reklamador. Lahat sila ang sasayang kasama kahit na may mga kagat na sila ng lamok!” tawa pa ni Direk Laurice.

Thankful di Direk Laurice na nandito pa siya sa showbiz at nagtatrabaho. Marami kasi sa mga nakasabayan niyang direktor noong dekada ‘70 ay nagsipanaw na tulad nila Lino Brocka, Ishmael Bernal, Eddie Garcia, Romy Suzara, Marilou Diaz-Abaya, Maryo J. delos Reyes, Mario O’Hara, Celso Ad Castillo, Mel Chionglo, Danny Zialcita, Emmanuel Borlaza, Eddie Romero at marami pang iba pa.

***

NAGLULUKSA ang Broadway dahil sa pagpanaw ng theater legend at icon na si Chita Rivera sa edad na 91.

Si Chita ang gumanap na Anita sa original 1957 Broadway cast ng ‘West Side Story’.

Nagbida rin siya sa Bye, Bye Birdie, Guys and Dolls, Chicago, Nine, The Rink and Kiss of the Spider Woman.

Nanalo si Chita ng dalawang Tony Awards, two Drama Desk Awards, a Drama League Award at special Tony Award for Lifetime Achievement in Theatre.

Si Rivera rin ang first Latina to be awarded Kennedy Center Honors in 2002 at Presidential Medal of Freedom in 2009 by then-President Barack Obama.

(RUEL J. MENDOZA)