Nakikipag-mabutihang bansa lang ang Pilipinas sa China- Sec. Roque
- Published on February 18, 2021
- by @peoplesbalita
HINDI bahag ang buntot ni Pangulong Rodrigo Roa Duterte sa China kundi nakikipag-mabutihang bansa lamang ang Pilipinas sa China.
Noong nakaraang Biyernes ay sinabi ni Pangulong Duterte na kailangang magbayad ng Estados Unidos sa Pilipinas kung nais nitong nitong manatili ang tropang amerikano sa bansa.
Pumiyok ang Chief Executiive na hindi kayang magmatapang sa China dahil umiiwas ito sa anumang komprontasyon.
At sa tanong kung matapang lang si Pangulog Duterte sa Amerika subalit malambot pagdating sa China ay sinabi ni Presidential Spokesperson Harry Roque na, “Hindi naman totoo iyan.”
“Ang ginagawa lang naman po ni Presidente ay nakikipagmabuting kapitbansa sa bansang Tsina dahil sa gustuhin at ayaw natin, talaga namang kapitbansa natin iyan ‘no,” ani Sec. Roque.
“Sabi nga nila, kinakailangang makipagkasundo sa kapitbahay, maski hindi ka makipagkasundo sa kamag-anak ‘no. Importante po talaga na magkaroon tayo ng mainit na pagsasama sa ating mga kapitbansa in the same way na importante iyong pagiging mabuting kapitbahay natin sa ating mga lokalidad,” dagdag na pahayag nito.
Aniya, nais lamang naman ng pamahalaan ng makatarungang kompensasyon para sa Visiting Forces Agreement, kung saan ay pinapayagan ang US troops at mga kagamitan nito sa Pilipinas, upag maging “valid military target” kapag ang Washington ay nasangkot sa giyera.
“Pagdating naman po sa Amerika ay matagal na po kasi natin ito hinihingi sa kanila na magbayad ng tama,” aniya pa rin. (Daris Jose)
-
Mga Filipino sa Vietnam, todo suporta sa mga atletang pinoy na sumasabak sa 31st SEA Games
IBA’T IBANG pamamaraan ang ginagawa ngayon ng mga Pilipino sa Vietnam para maipakita ang kanilang suporta sa mga Pilipino athlete sa nagpapatuloy na 31st South East Asian Games. Sinabi ni Bombo International News Correspondent Arlie Dela Peña, isang guro sa Hanoi, Vietnam na kahit kaunti lamang silang mga Pilipino sa naturang bansa ay […]
-
NPC, sinimulan na ang imbestigasyon sa text scams na kasama na ang buong pangalan ng receiver sa mensahe
SINIMULAN na ng National Privacy Commission (NPC) ang imbestigasyon sa lumalalang text scams na naglalaman na ngayon ng pangalan ng subscriber. Sa isang kalatas, sinabi ni NPC Commissioner John Henry Naga na mahigpit na minomonitor ng kanilang ahensiya ang “the proliferation of unsolicited text messages,” tiniyak sa publiko na nakikipag-ugnayan na ang NPC […]
-
Marcos, pinag-uusapan na ang posibleng appointments ni Rep. Marcoleta, Prof. Carlos
MASUSING kinakausap na ni President-elect Ferdinand “Bongbong” Marcos Jr. sina House Deputy Speaker Rodante Marcoleta at retired UP Professor Clarita Carlos kaugnay sa potential appointments sa ilalim ng kanyang administrasyon. Sa press briefing, sinabi ni Marcos na hinihintay pa niya ang tugon nina Marcoleta at Carlos sa kung ano ang magiging roles o […]