• June 24, 2024
  • Ang Diyaryong Pinagkakatiwalaan

Navotas naghahanda na sa implementasyon ng COVID-19 vaccination

Naghahanda na ang Pamahalaang Lungsod ng Navotas sa implementasyon ng kanilang COVID-19 vaccination para sa mga residente nito.

 

 

Sa naganap na meeting na pinangunahan ni Mayor Toby Tiangco, kasama ang City Health Department at mga department head, nasa 267,000 ang kasalukuyang populasyon sa Navotas at nasa 103,000 ang edad 18 pataas na target mabakunahan.

 

 

“Hindi po sabay-sabay ang pagdating ng bakuna kaya kailangan meron po tayong priority list. Pinakauna ay ang ating mga public at private medical frontliners dahil sila po ang may pinakamataas na tsansa ng exposure sa COVID-19. Importante po na proteksyunan natin ang mga nag-aalaga sa atin”, ani Tiangco.

 

 

Ang mga nasa priority list ay mga frontline health workers, indigent senior citizens, iba pang senior citizens, indigent population, mga uniformed personnel, mga guro at school health workers, lahat ng government workers, Essential workers sa agrikultura, food industry, transportasyon at turismo, mga nakakulong, PWD, mga residenteng nakatira sa matataong lugar, Overseas Filipino Workers (OFWs), iba pang manggagawa, mga mag-aaral at iba pa.

 

 

Paalala ni Tiangco, mahalaga na magpalista sa COVID-19 vaccination program para maging handa sa pagdating ng bakuna ngunit, hindi aniya nangangahulugan na mababakunahan kaagad dahil susundin ang priority list sa pagbabakuna, ayon sa polisiya ng DOH.

 

 

Sinabi pa niya, kahit malayo sa priority, ang importante ay magpalista agad, dahil kung wala sa listahan, lalong wala tsansang masama sa mga mababakunahan.

 

 

Sa mga hindi pa nakapag-register, kumpletuhin lamang po ang form na ito: https://bit.ly/3qm2SYD. Sa mga walang gadget o internet connection, hintayin lamang ang anunsyo kung paano makakapag-register. (Richard Mesa)

Other News
  • Wrestling icon na si “Undertaker” nagretiro

    Pormal nang namaalam sa WWE ang sikat na wrestler na si “Undertaker” o Mark Calaway sa totoong buhay matapos ang makulay na career nito sa loob ng 30 taon. Ginawa ang kanyang pamamaalam sa isang ceremony sa Survivor Series ng WWE. Nagbigay tribute ang ilang wrestlers sa pangunguna ng tinaguriang kapatid nito na si Kane […]

  • Drive-thru vaccination site sa Maynila, binuksan

    Sa layuning mas mapa-bilis pa ang pagbabakuna sa gitna ng pinangangamba-hang pagkalat ng Delta va-riant binuksan na ang drive-thru vaccination site sa Quirino Grandstand, sa tabi  ng COVID testing site at ng Manila COVID-19 Field Hospital sa Maynila, Sabado ng umaga.     Personal na pinangu-nahan ni Manila Mayor Isko Moreno ang opening ng naturang vaccination […]

  • Ekonomiya ng Pinas, “performed well” ngayong taon ng 2023 — NEDA

    IPINAGMALAKI ng Malakanyang na nagpakitang-gilas ang ekonomiya ng PIlipinas ngayong taon sa gitna ng mga hamon na nararanasan ng bansa.           Sa press briefing sa Malakanyang, sinabi ni National Economic and Development Authority (NEDA) chief Arsenio Balisacan na ang Pilipinas ay isa sa “best performing economies” sa Southeast Asian economies.           […]