Nawawalang batang lalaki lumutang sa daluyan ng tubig sa Malabon
- Published on March 2, 2024
- by @peoplesbalita
LABIS ang pagdadalamhati ngayon ng mga magulang ng 11-anyos na batang lalaki matapos matagpuan nakalutang sa maruming daluyan ng tubig ang bangkay ng bata sa Malabon City, Huwebes ng hapon.
Halos pagsakluban ng langit at lupa ang 28-anyos na ina ng biktimang si alyas “Prince” residente ng St. Gregory Homes (NHA) Brgy Panghulo nang ipabatid sa kanila ang pagkakatagpo sa lumutang na bangkay ng panganay sa tatlong anak dakong alas-2:20 ng hapon sa maruming ilog sa Panghulo Road, Brgy. Panghulo.
Sa ulat na nakarating sa tanggapan ni Malabon police chief P/Col. Jay Baybayan, nadiskubre nina Fernando Sañie, 35, at Rolly Dela Cruz, 43, kapuwa residente sa naturang barangay, ang bangkay ng biktima na walang saplot pang-itaas na kaagad nilang ipinagbigay-alam sa barangay.
Napag-alaman na kararating lang mula sa pinapasukang paaralan si Prince Huwebes ng tanghali nang magpaalam sa ina na lalabas lang dakong alas-2 ng hapon matapos kumain ng tanghalian at maligo na madalas namang ginagawa umano ng bata.
Sa post ng kanyang ina sa social media, pinakagabi na aniya ang 7:30 p.m. ang pag-uwi sa bahay ng anak kaya labis na ang kanilang pagkabahala ng lagpas na sa naturang oras ay hindi pa bumabalik ang anak.
Sa social media rin idinaan ng ina ni Prince ang paghingi ng hustisya sa pagkamatay ng anak na palatandaang may pagdududa sila na may foul play sa pagkamatay ng anak. (Richard Mesa)
-
LALAKI HULI SA BANTANG PAGPAPAKALAT NG HUBAD NA LITRATO NG MAGKAPATID
HUMINGI ng tulong sa pulisya ang magkapatid na dalagita matapos pagbantaan ng isang lalaki na ipapakalat ang edited na hubad nilang larawan. Sa reklamo ng biktima na itinago sa pangalang Judy , nakilala nito ang kanilang kapitbahay na si Balnit Turla Singh , 26, binata at nakatira sa Blk 17-A Baseco Compound, Port […]
-
Sa Bali, Indonesia magaganap ngayong July: MAJA, ‘di pa rin mabanggit ang ilang detalye sa kasal nila ni RAMBO
ILANG detalye sa nalalapit na kasal nina Maja Salvador at Rambo Nuñez ang hindi pa rin talaga mabanggit ng aktres bilang pa-surpresa naman siguro nito para sa mismong big day nila sa July. Though, given naman na sa naturang buwan at sa Bali, Indonesia nga ang kasal. Pero inamin naman ni Maja […]
-
3 pangalan ng heneral na papalit kay Acorda, hawak na ng DILG
HAWAK na ni Interior and Local Government Secretary Benhur Abalos Jr. ang pangalan ng tatlong heneral na posibleng kay PNP Chief, PGen. Benjamin Acorda Jr. sa pagtatapos ng term extension nito ngayong Marso. Ayon kay Abalos, mahalaga na “output based” o laging nakabase sa resulta ang susunod na magiging PNP chief. […]