• March 14, 2025
  • Search in People's Balita

  • Ang Diyaryong Pinagkakatiwalaan

 

NCR rice retailers, pinababa ang presyo para panatilihin ang P40 ‘Rice-for-All’ ng DA —PCO

NAGSIMULA nang ibaba ng mga rice retailer sa Metro Manila markets ang presyo ng kanilang bigas para makalaban sa nagpapatuloy na inisyatiba ng pamahalaan sa pagbebenta ng bigas sa mas ‘affordable’ na halaga.
Sa katunayan, tinukoy ng Presidential Communications Office (PCO) ang Department of Agriculture (DA), sabay sabing ang implementasyon ng Kadiwa ng Pangulo “Rice-for-All” program sa iba’t ibang lugar sa Metro Manila ay gumagawa ngayon ng “dent on the staple’s price.”
Tinuran ng Malakanyang na ang bigas ay mabibili sa Kadiwa stalls at ang retailer nito ay mas mura ng P3 hanggang P5 kumpara sa ibinebenta ng market retailers, nagresulta ng pagtaas sa benta sa pamamagitan ng mga rolling store sa kamakailan lamang na operasyon.
“Market retailers are currently reducing their prices to keep up with the lower price offered by rolling stores,“ ayon sa PCO, tinukoy ang report ng DA.
Sa ilalim ng “Rice-for-All” program, ang DA ay nagbebenta ng well-milled rice sa halagang P40 per kilogram, na limitado lamang sa 25-kilogram kada tao.
Base sa price monitoring ng Agriculture Department (para sa panahon ng December 16-21), ang average price ng local well-milled rice sa NCR markets ay P46.86 kada kilo habang ang halaga naman ng imported well-milled rice ay P47.46 kada kilo.
Isang linggo bago pa ang paglulunsad ng P40 per kilo “Rice-for-All” initiative (December 2-7 period), ang presyo kada kilo ng local well-milled rice ay P47.05 habang ang imported well-milled rice P47.90.
Winika ng PCO na ang kabuuang 147 sako ng bigas ay ipinamahagi sa sumusunod na lokasyon ng Kadiwa sa Kalakhang Maynila:
Edsa Balintawak Market (Southbound, Brgy. Balingasa, Quezon City) – 110 sako
New Marulas Public Market (Along Market Road, Brgy. Marulas, Valenzuela City) – 5 sako
Malabon Central Market (Along F. Sevilla Blvd., Brgy. Tañong, Malabon City) – 32 sako
Ang P40 per kilo “Rice-for-All” program ay isang inisyatiba sa ilalim ng Kadiwa ng Pangulo program —kolaborasyon sa pagitan ng Agribusiness and Marketing Assistance Service ng DA at Food Terminal Inc. (FTI). (Daris Jose)
Other News

  • Training ng PBA teams balak sa MGCQ areas

    Ang mga training facilities sa Modified General Community Quarantine (MGCQ) areas ang magiging sagot upang masimulan ang pagsasanay ng mga PBA teams.     Kaya naman umaasa ang pamunuan ng PBA na makakakuha ito ng go-signal mula sa Inter-Agency Task Force (IATF) para maumpisahan na ang scrimmages ng mga ito.     Sinabi ni PBA […]

    read more

  • Mga leisure spots at tourist sites sa NCR Plus Bubble, pinababantayan

    Mahigpit ang direktiba ni PNP Chief Gen. Guillermo Eleazar sa lahat ng mga police commanders na bantayan ang mga leisure spots at tourist sites sa NCR Plus Bubble na kinabibilangan ng Metro Manila, probinsiya ng Cavite, Laguna, Rizal at Bulacan.   Magbubukas na kasi ang ilang tourist attractions at mga leisure spots kasunod ng pagbaba […]

    read more

  • Tulong sa mga sibilyang nadamay sa pagbagsak ng C-130 tiniyak ng PAF

    Tiniyak ng Philippine Air Force (PAF) ang tulong para sa mga sibilyan na nadamay sa pagbagsak ng C-130 aircraft kabilang ang isang 13-anyos na lalaki, isang buntis at dalawang sibilyan na kasalukuyang ginagamot sa hospital.     Nabatid na personal na pinuntahan at pinasalamatan ni PAF Wing Commander, Tactical Operations Wing Western Mindanao na si […]

    read more
People's Balita.
All rights reserved. © Copyright 2025.