Newest global pop idol, sisibol sa ‘Be the NEXT: 9 Dreamers’: SANDARA, excited sa challenge bilang main host ng K-pop survival show
- Published on January 22, 2025
- by Peoples Balita
INIHAYAG na ng TV5 at MLD Entertainment PH ang ‘Be the NEXT: 9 Dreamers’ sa isang star-studded media launch na ginanap noong Enero 20 sa Novotel, Quezon City.Minarkahan sa naturang event ang opisyal na pagsisimula ng countdown sa premiere ng inaabangang K-pop survival show sa ika-8 ng Pebrero 8.
Pinagsama-sama sa show ang 75 aspirants mula sa global auditions na ginanap noong 2024, bawat isa ay mag-aagawan para makapasok sa isang bagong 9-member boy group.
Ang mga ‘dreamers’ ay dadaan sa isang matinding paglalakbay, na ginagabayan ng isang kagalang-galang na panel of mentors at mga hurado upang makamit ang kanilang mga pangarap na maging mga idolo sa buong mundo.
Ang mga dumalo sa media launch ay binigyan ng eksklusibong pagsulyap sa programa, na hino-host ng K-pop icon ng Sandara Park ng 2NE1.
Aminado naman si Dara, na big challenge sa kanya na mag-host ng survival show, lalo pa na busy siya sa pagto-tour kasama ang girl group.
“Actually, I’m really excited and nervous at the same time,” say niya.
“It’s a new challenge for me, because I find a lot on stage, acting, being on musical show but being a main host, it is a first time and I’m very excited.
“I don’t know what I gonna do, alam n’yo naman na krungkrung ako. But I will do the hosting, will go to the studio and I have to come back to Manila twice a month for this.
“So, I’m really busy, no more friends, no alcohol, no rest, no vacation.
“I’m just focus on my work, but I work out if have time and find time to get a massage. Because it is really important to stay healthy, so I can do all these work, the best I can do.”
Happy si Dara na makatulong sa dreamers at magbigay ng advise ng kinakailangan. Inalala rin niya ang Pinoy na bumoto sa kanya sa ’Star Circle Quest’ at ngayon muli silang magkakaroon ng power para maging part ng mananalong dreamers.
Sinamahan siya ng isang mahuhusay na line up of mentors, kabilang sina Park Woojin ng AB6IX, Bang Ye-dam, Vinci ng HORI7ON, Hyebin (dating MOMOLAND), renowned choreographer Bae Wan Hee, at acclaimed producer na si Bullseye.
Isa sa mga pangunahing highlight ng event ay ang Parade of Trainees, kung saan ang 75 contestants ay ini-reveal sa media sa unang pagkakataon. Ang bawat indibidwal ay may kakaibang talento at kwentong sasabihin habang sila ay naglalaban-laban para sa isang puwesto sa huling 9 na miyembro ng grupo.
Hindi pa nga lang puwedeng ilabas ang kanilang mga mukha habang hindi pa ito naipapakilala sa show na magsisimula nga sa February 8.
Kaya markahan ang iyong mga kalendaryo at saksihan ang pagsibol ng newest global pop idol sa ‘Be the NEXT: 9 Dreamers’. Mapapanood ito tuwing Sabado ng 7:15 PM at Linggo ng 8:15 PM, na weekday catch-ups tuwing 11:30 PM.
Para sa pinakabagong update sa Be the NEXT: 9 Dreamers, sundan ang @TV5manila sa social media.
(ROHN ROMULO)
Other News
-
Tulak timbog sa buy bust sa Valenzuela, P238K shabu, nasamsam
MAHIGIT P.2 milyon halaga ng umano’y shabu ang nasamsam sa isang hinihinalang tulak ng illegal na droga matapos malambat sa isinagawang buy bust operation ng pulisya sa Valenzuela City. Kinilala ni Valenzuela police chief P/Col. Salvador Destura Jr, ang naarestong suspek bilang si Jerome Luangco, 42 ng Bonbon Ville Brgy., Ugong, ng lungsod. […]
-
MOU vs fake news tinintahan na ng Palasyo
HANDA na ang Presidential Communication Office (PCO) na ipatupad ang Media and Information Literacy (MIL) Project ng administrasyon ni Pangulong Ferdinand R. Marcos Jr., kasunod ng paglagda ng Memorandum of Understanding sa mga partner na ahensya ng gobyerno nitong Lunes. Pinangunahan ni PCO Secretary Cheloy Velicaria-Garafil ang ceremonial signing ng MOU kasama ang […]
-
Ads July 15, 2021