Nierba sasakmal, pangil ng NU Lady Bulldogs
- Published on February 18, 2020
- by @peoplesbalita
HANDA na ang National University Lady Bulldogs sa pagtrangka nina Jennifer Nierva at Ivy Lacsina sa UAAP Season 82 Women’s Indoor Volleyball Tournament na nakatakda na sanang nagsimula nitong Sabado pero naatras sanhi nang panganib ng Coronavirus Disease 2019 o COVID-19.
Magiging lider na ang dalawang veteran volleybelle na nahasa na sa mga naging karanasan sa larangan ng ilang taon at nakasungkit na rin ng kampeonato nang nasa junior team pa lang sa liga.
May kislap ang rotation ng team ngayong taon, pero namemeligrong maudlot dahil sa pagliban ni setter Joyme Cagande sa ACL tear. Natengga na siya sa nakaraang edisyon sa high-grade ACL.
May butas man ang koponan, puwedeng pasakan nang nagbabalik na beteranang si Risa Sato bakanteng posisyon ni Roselyn Doria. Puntos din sa koponan ang Fil-Japanese middle blocker sa pagiging isang high-caliber player.
Bukod dito’y sariwa pa siya sa mga sinalihang volleyball club gaya ng BaliPure Purest Water Defenders at Creamline Cool Smashers sa nakaraang Nobyembre sa 3rd Premier Volleyball League Open Conference.
“With the NU women’s volleyball team naman we’re very excited to play the second day of UAAP,” reaksyon ni NU assistant coach Regine Diego. “Na-experience na ng mga rookie namin last year iyong laro, so hopefully they play better now specially they have a 14th-man line-up.”
“Also we just want to enjoy this eh kasi hindi naman kami nag-eexpect a lot, kung saan kami abutin at kung saan iyong prinactice namin at naghanda – dun sana kami umabot,” wakas niya. (REC)
-
Matutupad na ang isa sa mga matagal na pangarap: ALDEN, sisimulan na ang movie na siya ang aktor, producer at direktor
SI Zoren Legaspi ang sinalang ni Carmina Villarroel sa segment ng ‘Sarap, Di’ Ba?’ last Saturday na Hot Seat. Tinanong si Zoren na kung may gagawing movie si Mina at siya ang direktor, sino ang kukunin niyang aktor bilang leading man na dating na-link kay Mina? Habang binabasa nga […]
-
Jovita Espenida-Meneses, natatanging Alagad ng Sining sa Sayaw
LUNGSOD NG MALOLOS- Bilang pagbibigay-pugay sa isang mahusay na mananayaw at guro na ginugol ang kanyang buhay sa pagpapayaman ng sining ng sayaw sa mga estudyanteng Bulakenyo, binigyang parangal ng Pamahalaang Panlalawigan ng Bulacan sa pamamagitan ng Provincial History, Arts, Culture and Tourism Office si Jovita Espenida-Meneses, isang Natatanging Alagad ng Sining sa Sayaw sa […]
-
Pacquiao kay Magsayo ; ‘Welcome to the Club’
NANGUNA si dating Filipino boxing champion at ngayon ay Senator Manny Pacquiao sa mga bumati kay WBC world featherweight champion Mark ‘Magnifico’ Magsayo. Sa kanyang social media account, binati nito ang 26-anyos na si Magsayo at sinabing “Welcome to the Club”. Dagdag pa ng senador na labis na ipinagmamalaki ng bansa […]