Nietes tindero na

RUMARAKET muna sa kanyang maliit na negosyo si dating four-division world men’s professional boxing champion Donnie ‘Ahas’ Nietes lalo pa’t walang laban ngayong panahon ng COVID-19.

Ipinahayag kamakalawa ng 38-taong gulang, 5-3 ang taas at tubong Murcia, Negros Occidental ang pinagkakaabalahang trabaho.

“Nagtayo muna ako ng kaunting negosyo,”salaysay ni boksingero. “Nagtitinda ako ng chorizo, kimchi at mga gulay at bigas. Iyan ang pinagkakaabalahan ko during the pandemic.”

Hinirit pa ni Nietes, “Kasi wala akong ginagawa, walang boxing. So naisip kong magka- income ako,” wakas na saad ng dating kasapi nang nagsarang ALA Boxing Promotions. (REC)