NITAG, nagdesisyon na ibigay ang 400k bakunang Sinovac
- Published on March 30, 2021
- by @peoplesbalita
NAGDESISYON na ang National Immunization Technical Advisory Group (NITAG) na ibigay ang pinakahuling donasyon ng China na 400,000 Sinovac sa mga medical health workers sa pinakaapektado ng new variants, kasama na ang NCR Plus, Cebu at Davao.
“Yan po ay impormasyon na ipinarating sa atin ni vaccine czar, Secretary Carlito Galvez,” ayon kay Presidential Spokesperson Harry Roque.
Sa lalong mabilis na panahon naman ani Sec.Roque ay ipamamahagi na ang nasabing bakuna.
“Iyong iba pang health workers natin ay magkaroon na ng kanilang bakuna. Karamihan pa rin po diyan ng 400,000 ay inilalaan natin sa NCR Plus. Hindi lang sa NCR, kasama ‘yung Bulacan, Laguna, Cavite,” aniya pa rin.
Aniya, tuluy-tuloy ang pagbabakuna lalo pa’t maraming lugar na ang naubusan ng bakuna.
“So, inaasahan po natin na sa lalong mabilis na panahon eh mauubos natin yang 400,000 na yan,” aniya pa rin.
Dumating noong Miyerkoles, Marso 24 sa Pilipinas ang dagdag na 400,000 doses ng COVID-19 vaccines ng Sinovac, na bahagi ng donasyon ng gobyerno ng China.
Pasado alas-7 ng umaga nang lumapag sa Ninoy Aquino International Airport Terminal 2 ang eroplano ng Philippine Airlines lulan ang donasyong dagdag sa 600,000 Sinovac vaccines na unang dumating sa Pilipinas noong Pebrero 28.
Na-disinfect muna ang bakuna bago ibinaba ng eroplano.
Kasama sa mga sumalubong sina Health Secretary Francisco Duque, National Task Force Against COVID-19 Deputy Chief Implementer Vince Dizon, at Chinese Ambassador to the Philippines Huang Xilian.
Sa isang pahayag, sinabi ni Duque na nagpapasalamat ang Pilipinas sa dagdag na bakunang donasyon.
Napapanahon aniya ang dating nito dahil sa pagdami ng mga kaso ng COVID-19 sa bansa.
Dinala muna ang bakuna sa cold storage facility sa Marikina.
Pag-uusapan sa Huwebes ng Interim National Immunization Technical Advisory Group kung saan ipapadala ang 400,000 doses ng bakuna.
Gusto ng Inter-Agency Task Force for the Management of Emerging Infectious Diseases na ilaan ito sa mga lugar na may mataas na COVID-19 cases gaya ng Metro Manila, Cebu at Davao.
Sa kabuuan, nasa 1 milyon na ang bakunang na-donate ng China. (Daris Jose)
-
PBBM, ipinag-utos sa PSA na bilisan ang paglilimbag sa PhilSys digital ID
IPINAG-UTOS ni Pangulong Ferdinand R. Marcos Jr. , araw ng Martes sa Philippine Statistics Authority (PSA) na i-fast-track o madaliin ang printing o paglilimbag sa digital version ng Philippine Identification System (PhilSys) ID. “Let us print out as much as we can and then isunod natin ‘yung physical ID as soon as we […]
-
Caloy sabak agad sa ensayo pagbalik sa Japan
ISA hanggang dalawang araw lang ang magiging break ni two-time world gymnast champion Caloy Yulo para paghandaan ang mga lalahukan pang international competitions ngayong taon. Isa sa mga ito ay ang Asian Gymnastics Championships sa Hunyo 15-18 sa Doha, Qatar na magsisilbing qualifying tournament para sa 41st FIG Artistic Gymnastics World Championships sa […]
-
2 nadakma sa higit P1 milyon shabu at granada sa Navotas
MULING naka-iskor ng tagumpay ang Northern Police District (NPD) sa kanilang laban sa ilegal na droga kasunod ng pagkakatimbog sa dalawang drug pushers at pagkakakumpiska ng mahigit ng P1 milyon halaga ng shabu at granada sa buy-bust operation sa Navotas City, kahapon ng madaling araw. Kinilala ni NPD Director P/BGen. Ulysses Cruz ang […]