Obiena, PATAFA gumulo pa
- Published on March 5, 2022
- by @peoplesbalita
SA halip na mag-areglo gaya nang kanilang mga pinahayag sa Senado noong Pebrero 11, mas malaki pang gusot ang sumambulat para kay 2020+1 Tokyo Olympian men’s pole vaulter Ernest John ‘EJ’ Obiena at sa Philippine Athletics Track and Field Association (PATAFA) na pinamumunuan bilang pangulo ni Philip Ella ‘Popoy’ Juico.
Hindi gumalaw ang pambansang atleta para ayusin ang gusot na binibintang sa kanya ng PATAFA magmula nang pulungin ng ilang senador sa nabanggit na petsa.
Kaya maaaring sa inis ni Juico at ng PATAFA, iniakyat na ang kaso ni Obiena sa nakabase sa Lausanne, Switzerland na Court of Arbitration for Sport.
Umalma naman si POC president Abraham Tolentino na kumakampi kay Obiena nitong Miyerkoles, giniit na paglabag aniya iyon sa integridad at dumidiskaril sa pagsisikap ng mga mambabatas na maplantsa na ang alingasngas sa pera na sumiklab noong Nobyembre.
“So what happened to the truce forged through the Senate? The mediation that both parties — Obiena and the Patafa agreed on before our honorable Senators?” pagtatanong pa ng opisyal.
Sana bumaba sa kanilang mga ere ang dalawang kampo upang maayos pa rin lalo’t idaraos sa taong ito ang 31st Southeast Asian Games sa Vietnam sa Mayo at 19th Asian Games sa China sa Setyembre na inaasahang lalahukan ni EJ.
Walang panalo sa dalawa. Ang bansa lang ang kahiya-hiya. (REC)
-
Duterte tatakbong VP sa 2022 elections
Pormal nang tinanggap ni Pangulong Rodrigo Duterte ang pag-eendorso sa kanya ng ruling party Partido Demokratiko Pilipino-Lakas ng Bayan (PDP-Laban) na tumakbong bise-presidente sa darating na halalan sa Mayo 2022. Inanunsiyo noong Martes ni Cabinet Secretary Karlo Alexei Nograles, executive vice president ng PDP-Laban, na pumayag na ang Pangulo sa alok ng partido […]
-
Samples ng 8 pasaherong kasama ng lalaking positibo sa UK COVID-19 variant, ipinadala sa genome center
Ipinadala na ng Philippine Red Cross (PRC) sa Phippine Genome Center ang mga samples mula sa walong pasaherong nakasama ng nagpositibo sa UK variant ng Coronavirus disease 2019 (COVID-19). Una rito kinumpirma ng PRC na positibo sa Coronavirus ang walong pasaherong kasabay ng Pinoy na dumating a bansa. Ayon sa Red Cross, ipapadala sa Philippine […]
-
Pinoy boxer Jerwin Ancajas, bigong mabawi ang IBF crown matapos muling natalo kay Argentinan undefeated boxer
NAPANATILI ng undefeated boxer Fernando Martinez ang kanyang International Boxing Federation junior bantamweight title matapos muling payukuin ang dating champion na si Jerwin Ancajas. Naidepensa ni Martinez ang koronang kanyang naagawa kay Ancajas noong Pebrero sa pamamagitan ng scores na 119-109, 118-110 at 118-110 sa championship rematch sa Carson, California. Dahil dito, napaganda […]