P1.65-B supplemental budget laban SA COVID-19
- Published on March 12, 2020
- by @peoplesbalita
LUSOT na sa House Committee on Appropriations ang P1.65 billion supplemental budget para sa gagawing hakbang sa pagharap sa problema sa coronavirus disease 2019 (COVID-19) sa bansa.
Sa pagdinig ng komite, natukoy na P3.1 billion ang kakailanganing pondo ng Department of Health (DOH) para panlaban sa COVID-19.
Sinabi ni Health Usec. Roger Tong-an, sa naturang halaga ay P2.35 million ang gagamitin para sa pagbili ng personal protective equipment (PPE), P933 million ang para sa maintenance and other operating expenses (MOOE) at salaries at P139 million para sa bibilhing 40,000 na test kits.
Ayon kay Deputy Treasurer Sharon Almanza ng Bureau of Treasury, P1.65 billion ang available funds na mayroon sila sa ngayon.
Gayunman, ayon kay Tong-an mayroong iba pang mapag-kukunan ng pondo para sa laban kontra COVID-19
Ang PAGCOR aniya ay nangakong magbigay ng P2 billion habang ang PCSO naman ay P490 million.
Bukod dito ang DOH ay mayroon namang P539 million na savings at P81 million mula sa kanilang quick response funds na maaari ring gamitin.
Samantala, ayon naman sa Department of Budget and Management maaari ring kumuha ng pera mula sa contingency funds ng pamahalaan na kasalukuyang mayroong P13 billion. (Daris Jose)
-
Duterte PDP-Laban wing, inendorso ang presidential bid ni BBM
INENDORSO ng PDP-Laban faction na suportado ni Pangulong Rodrigo Roa Duterte ang presidential bid ni dating Senador Ferdinand “Bongbong” Marcos, Jr. sa nalalapit na halalan sa bansa. Ito’y matapos na ilarawan ni Pangulong Duterte si Marcos bilang “spoiled” at “weak leader relying on his dad’s name.” Nakasaad sa PDP-Laban National Executive […]
-
Kai Sotto nagpakita ng maturity sa panalo ng Gilas laban sa Jordan
Tinanggap ni Kai Sotto ang desisyon ng kanyang coach na si Chot Reyes na i-sub out siya sa first half nang maluwag sa pagbawi niya sa kanyang sarili mula sa matamlay na simula sa pamamagitan ng malakas na pagpapakita sa third-quarter para pamunuan ang Gilas Pilipinas laban sa Jordan sa Fiba World Cup Asian Qualifiers […]
-
ILANG KALYE SA CALOOCAN, NI-LOCKDOWN
ISINAILALIM sa isang linggong lockdown ang mga lugar na pumapaloob sa 5th Street, Magsaysay Street, 6th Street at C3-Road sa Barangay 123 at ang mga kalye ng Panay, Guinugitan, Masbate, at Victoria sa H. Dela Costa Homes, Barangay 179, Caloocan City simula 12:01am ng Setyembre 3 hanggang 11:59pm ng Setyembre 9, 2021. […]