P1 bilyong ayuda sa workers, nakahanda na
- Published on January 18, 2022
- by @peoplesbalita
AABOT sa 200,000 manggagawa sa pormal na sektor ang mabibiyayaan sa ilalabas na P1 bilyong halaga ng ayuda ngayong katapusan ng Enero, ayon sa Department of Labor and Employment (DOLE).
Tatanggap ng tig-P5,000 ang bawat manggagawa na naapektuhan ng ekstensyon ng Alert Level 3.
Sinabi ni Labor Assistant Secretary Dominique Rubia-Tutay na tinatapos na ang panuntunan sa pamamahagi ng COVID-19 Adjustment Measures Program (CAMP).
Karamihan umano sa mga naapektuhan at makakatanggap ng ikatlong tranche ng ayuda ang mga nagtatrabaho sa sektor ng turismo, entertainment at pagkain.
“Instead na bumangon, na-put-on-hold na naman at ngayon ay na-extend tayo hanggang end of the month ang ating alert level 3 at nag-expand pa ‘yong areas covered by alert level 3. So kailangan ‘yong assistance ng ating mga kababayan,” ayon sa opisyal.
Sa monitoring ng DOLE mula Enero 1-6, nasa 3,284 manggagawa sa 267 establisimyento ang nawalan ng trabaho dahil sa permanenteng pagsasara.
May 5,762 naman ang binabaan ng suweldo dahil sa pagpapatupad ng ‘flexible working hours’. Karamihan sa kanila ay sa National Capital Region habang ang iba ay sa Region III at IV-A.
“May iba na kahit Alert Level 3 mas gugustuhin nila na magsara temporarily dahil mas malaki ang gastos nila kaysa sa kikitain po nila,” paliwanag pa ni Tutay.
Ang mga aplikasyon para sa cash assistance ay maaaring gawin sa pamamagitan ng online ng apektadong kumpanya o indibidwal na manggagawa. (Gene Adsuara)
-
Construction ng $11 B Sangley airport deal nakuha ng Yuchengco lead-group
ISANG consortium na pinangungunahan ng Yuchengco Group kasama ang Cavitex Holdings at grupo ni Lucio Tan sa ilalim ng MacroAsia Corp. ang nakakuha para sa pagtatayo ng $11 billion na Sangley Point International Airport (SPIA). Nakuha ng consortium kasama ang mga foreign partners nito mula sa provincial government ng Cavite ang notice of award […]
-
Magho-host ang Pilipinas sa prelimnary leg ng Volleyball Nations League Tournament sa 2023
Muling magho-host ang Pilipinas ng isa sa mga preliminary event ng Volleyball Nations League men’s tournament sa susunod na taon. Inihayag ng liga noong Biyernes na ang Pasay City ang magiging venue para sa ilan sa mga laro sa Hulyo 4-9. Ang mga magkakalaban na koponan sa Philippine leg ng torneo ay ang Japan, […]
-
PDu30, nilagdaan ang batas na makapagbubukas pa sa retail sector ng Pinas sa mga foreign investors
MAS pinadali na ni Pangulong Rodrigo Roa Duterte sa mga dayuhan na makapag- invest sa retail sector ng Pilipinas. Ito’y matapos pirmahan ni Pangulong Duterte ang batas na Republic Act (RA) No.11595, na inamiyendahan ang RA No. 8762 o ang Retail Trade Liberalization Act na may dalawang dekadang taon na. Ang […]