P1 dagdag pasahe sa jeepney, approve na sa NCR, Reg. 3 at Reg. 4 – LTFRB
- Published on June 10, 2022
- by @peoplesbalita
INAPRUBAHAN na ng Land Transportation Franchising and Regulatory Board (LTFRB) ang kahilingan ng mga jeepneys drivers na dagdag na pisong taas ng pamasahe.
Gayunman ang fare hike ay para lamang sa mga jeepneys na bumabiyahe sa Metro Manila, Central Luzon, Calabarzon, at Mimaropa simula sa darating na Huwebes.
Dahil dito nasa P10 na minimum fare na ang sisingilin mula sa kasalukuyang P9 sa mga nabanggit na lugar.
Sa desisyon na ibinababa ng Board ng LTFRB, ang provisional P1 fare hike ay para sa unang apat na kilometro, habang wala ng sisingilin na taas sa mga susunod na kilometro.
Nag-abiso rin naman ang LTFRB sa mga public utility jeepneys sa naturang mga rehiyon na dapat maglagay sila ng “notice of provisional fare increase” sa loob ng mga sasakyan.
Ang pagsang-ayon ng LTFRB sa taas pasahe ay kasunod na rin ng walang humpay na oil price increase.
Ang naturang taas sa pasahe ay una nang ibinasura ng Board noong buwan ng Abril pero naghain ng motion for reconsideration ang mga petitioners na transport groups. (Daris Jose)
-
52% ng Pinoy ‘disapprove’ sa pagtugon ni Marcos Jr. sa inflation — Pulse Asia
LAGPAS kalahati ng Filipino adults ang kritikal sa pagtugon ng administrasyon ni Pangulong Ferdinand Marcos Jr. pagdating sa pagkontrol ng pagtaas ng presyo ng bilihin, ayon sa bagong survey ng Pulse Asia na inilabas nitong Martes. Ito’y kahit na nakakuha ng 78% na performance rating si Bongbong sa parehong pag-aaral, bagay na mayorya […]
-
BALIK NG PBA MAY HATID NA BUTI
KUMPIYANSA si House Deputy Speaker at NorthPort owner Michael ‘Mikee’ Romero na ang pagbibigay ng pahintulot para sa pagpapatuloy ng Philippine Basketball Association (PBA) sa Oktubre 11, ang mahusay na libangan na maibibigay ng gobyerno sa publiko ngayong may Covid-19 pa rin. Sa kasalukuyan halos lahat sa panig ng mundo nakikipaglaban aniya sa pandemya […]
-
15 katao patay dahil kay “Enteng”; PBBM ipinag-utos ang mahigpit na pagbabantay sa dam
UMABOT na sa 15 katao ang nasawi mula sa nagsamang epekto ng Tropical Storm Enteng (international name Yagi) at southwest monsoon o “habagat”. Sa isang situation briefing na pinangunahan ni Pangulong Ferdinand R. Marcos Jr. sa National Disaster Risk Reduction and Management Council (NDRRMC) office sa Camp Aguinaldo, sinabi ni Office of […]